نۇر-سۇلتاندا دەۆيس كۋبوگىنىڭ فينالدىق كەزەڭىنە شىعۋ مۇمكىندىگى بويىنشا قازاقستاندىق جانە نيدەرلاندتىق تەننيسشىلەردىڭ اراسىنداعى ءتورت ماتچتان تۇراتىن تارتىس اياقتالدى. قازاقستان قۇراماسى نيدەرلاند كومانداسىن 3:1 ەسەبىمەن تىزە بۇكتىرىپ, اقتىق مارەگە جولدامانى ۇتىپ الدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
ايتا كەتسەك, قازاقستان مەن نيدەرلاند قۇرامالارى اراسىنداعى العاشقى ويىن كۇنى 1:1 ەسەبىمەن اياقتالعان ەدى. ال ەكىنشى ماتچتا تاللون گريكسپۋرمەن كەزدەسۋىندە ەكى سەتتە دە قازاقستاننىڭ ءبىرىنشى راكەتكاسى الەكساندر بۋبليك جەڭىسكە جەتتى. ەكىنشى كۇننىڭ ءبىرىنشى ماتچىندا اندرەي گولۋبەۆ پەن الەكساندر نەدوۆەسوۆ جەتىستىككە جەتسە, كەلەسى ماتچتا الەكساندر بۋبليك روبين حااسەدەن 7:6 (7:4), 6:1 (1 ساعات 18 مينۋت) ەسەبىمەن باسىم ءتۇستى.
ء«وز مىنبەرىمىزدە جەڭىستى ج ۇلىپ الىپ, الەمنىڭ باستى تەننيس تۋرنيرىنە جولداما الۋ, وسىدان بارىپ ۇزدىك دەبيۋتپەن شىعۋ – ارمانىمىز ەدى. ءوز ۇيىمىزدە ەشكىمگە ەسە بەرمەيتىنىمىزدى تاعى ءبىر مارتە دالەلدەي تۇستىك. ەلىمىزدىڭ ارەناسىندا جەتىنشى ماتچتى جەڭىسپەن اياقتاپ وتىرمىز», - دەدى قازاقستان قۇراماسى كاپيتانى يۋري ششۋكين.
ەسكە سالساق, 12 ناۋرىزدا مادريدتە الەمدىك ليگانىڭ جەرەبەسى وتكىزىلەدى. ول جەرەبەدە قازاقستان قۇراماسى توپ بويىنشا ءوز قارسىلاسىن بىلەتىن بولادى. ال جارىستىڭ ءوزى 23-29 قاراشادا مادريدتەگى «La Caja Magica» ستاديونىندا وتەدى.