تمد-عا مۇشە ەلدەر جوعارى اسكەري وقۋ ورىندارىنىڭ تىڭداۋشىلارى مەن كۋرسانتتارىنىڭ VII حالىقارالىق اسكەري-عىلىمي جۇمىستار بايقاۋىندا جاس سارباز ادىلەت سەرىكبايدىڭ زەرتتەۋ جۇمىسى ۇزدىك دەپ تانىلدى, دەپ جازادى Egemen.kz.
رەسەيدەگى قيىر شىعىس گۆارديالىق جوعارى جالپى اسكەري كوماندالىق ۋچيليششەسىنىڭ كۋرسانتى «قازاق حالقىنىڭ ۇلى وتان سوعىسىنداعى جەڭىسكە قوسقان ۇلەسى» تاقىرىبىندا عىلىمي ەڭبەك جازىپ, بايقاۋعا قاتىسقان بولاتىن. جەڭىستىڭ 80 جىلدىعىنا وراي ۇيىمداستىرىلعان ءىس-شاراعا 700-دەن استام اسكەري-عىلىمي جۇمىس ۇسىنىلعان. سولاردىڭ ىشىنەن ۇزدىك شىققان ادىلەت سەرىكباي رەسەي فەدەراتسياسى قورعانىس مينيسترلىگىنىڭ گراموتاسىمەن ماراپاتتالدى.
«مەنىڭ زەرتتەۋىمدە قازاقستان جاۋىنگەرلەرىنىڭ مايداندا كورسەتكەن ەرلىگى مەن تاباندىلىعى, تىلداعى جانقيارلىعى تۋرالى دەرەكتەر بەرىلدى. ەل تاريحىن حالىقارالىق دەڭگەيدە تانىستىرۋ – مەن ءۇشىن ابىرويلى ءىس. ءبىز اتا-بابامىزدىڭ ەرلىگىن ۇمىتپاۋىمىز كەرەك», دەدى بولاشاق وفيتسەر.
مايدانگەرگە قورعانىس ءمينيسترىنىڭ قۇتتىقتاۋ حاتى تابىستالدى
ايتا كەتسەك, ادىلەت سەرىكباي 2003 جىلى پاۆلودار وبلىسى, باياناۋىل اۋدانى, ساتباەۆ اۋىلىندا دۇنيەگە كەلگەن. 2020 جىلى الماتىداعى قۇرلىق اسكەرلەرىنىڭ اسكەري ينستيتۋتىنا ءتۇسىپ, كەيىن قيىر شىعىس گۆارديالىق جوعارى جالپى اسكەري كوماندالىق ۋچيليششەسىنىڭ «تەڭىز جاياۋ اسكەرلەرى بولىمشەلەرىن باسقارۋ» ماماندىعىنا اۋىستى. الداعى ۋاقىتتا ول ەلىمىزدىڭ قارۋلى كۇشتەرى ارنايى وپەراتسيالار كۇشتەرى قاتارىندا قىزمەت ەتۋدى جوسپارلاپ وتىر.
مايدانگەر ماراپاتتالدى