«اتامەكەن» ۇلتتىق كاسىپكەرلەر پالاتاسىنىڭ باستاماسىمەن ۇيىمنىڭ ورتالىق اپپاراتىنىڭ جانىنان Nur Otan-نىڭ باستاۋىش پارتيا ۇيىمى قۇرىلدى.
Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك باستاۋىش پارتيا ۇيىمىن قۇرۋ جونىندە باستاما كوتەرگەن پارتيا مۇشەلەرىمەن كەزدەستى. ونىڭ ايتۋىنشا, باستاۋىش پارتيا ۇيىمدارى Nur Otan-نىڭ وزەگى جانە قوزعاۋشى كۇشى بولىپ تابىلادى.
«ەلباسى, پارتيا ليدەرى نۇرسۇلتان نازارباەۆتىڭ باستاماسىمەن باستاۋىش پارتيا ۇيىمدارىنىڭ ءرولى ارتىپ وتىر. وسىناۋ «باستاۋىش پارتيا ۇيىمدارى» پارتياىشىلىك پرايمەريز جۇيەسى ارقىلى كانديداتتاردى ماجىلىسكە جانە بارلىق دەڭگەيدەگى ماسليحاتتارعا ۇسىنا الادى. ونى وتكىزۋ ەرەجەسىنىڭ جوباسىن كۇنى كەشە وتكەن پارتيا بيۋروسى ماقۇلدادى. بۇل ىشكى پارتيالىق دەموكراتيانىڭ دامۋىنا جول اشاتىن اشىق جانە باسەكەلى ىرىكتەۋ بولادى. ەلدى وركەندەتۋدى قالاعان جانە سول جولدا بار كۇش-جىگەرىن جۇمساعىسى كەلەتىن كەز كەلگەن ازامات Nur Otan پارتياسىنا مۇشەلىككە ءوتىپ, پرايمەريزگە قاتىسا الادى», دەدى ب.بايبەك.
پارتيا توراعاسىنىڭ ءبىرىنشى ورىنباسارى «اتامەكەن» ۇلتتىق كاسىپكەرلەر پالاتاسى مەملەكەتتىڭ الەۋمەتتىك سەرىكتەسى رەتىندە سوڭعى 7 جىلدا قازاقستاندىق بيزنەستى دامىتۋ ءۇشىن قولايلى جاعداي قالىپتاستىرۋ جانە كاسىپكەرلىك ورتانى دامىتۋ بويىنشا قوماقتى جۇمىس اتقاردى دەپ اتاپ كورسەتتى.
بيزنەس ەكونوميكالىق دامۋدىڭ قوزعاۋشى كۇشى جانە يننوۆاتسيانىڭ نەگىزگى تاراتۋشىسى عانا ەمەس, سونىمەن بىرگە حالىقتى جۇمىسپەن قامتۋ بويىنشا ماڭىزدى الەۋمەتتىك ميسسيانى اتقارادى. حالىقتىڭ ورتا بولىگىنىڭ وزەگىن قۇراپ, ازاماتتىق قوعامنىڭ تىرەگى بولادى. سوندىقتان Nur Otan پارتياسى ارقاشان وتاندىق بيزنەسكە جان-جاقتى قولداۋ كورسەتۋدى قۋاتتاپ كەلەدى جانە قولداي دا بەرەدى. پارتيامىزدىڭ دوكتريناسىندا ايتىلعانداي, ءوزارا جاۋاپكەرشىلىك جانە ارىپتەستىك مەملەكەت پەن بيزنەس قارىم-قاتىناسىنىڭ ماڭىزدى قاعيداتتارى بولۋى ءتيىس», دەپ اتاپ كورسەتتى ول.
«اتامەكەن» ۇكپ باسقارماسىنىڭ توراعاسى, 2013 جىلدان بەرى پارتيا ساياسي كەڭەسىنىڭ مۇشەسى بولىپ تابىلاتىن ابىلاي مىرزاحمەتوۆ ءوز كەزەگىندە Nur Otan-نىڭ نەگىزگى قۇندىلىقتارىن جۇرتشىلىققا جەتكىزۋ قاجەتتىگىنە نازار اۋداردى.
«ەلىمىزدىڭ قول جەتكىزگەن بارشا جەتىستىكتەرى ەلباسىمەن تىكەلەي بايلانىستى. ول تاۋەلسىزدىكتىڭ العاشقى كۇندەرىنەن باستاپ شاعىن جانە ورتا بيزنەستى قولداۋعا ەرەكشە كوڭىل ءبولىپ كەلەدى. پارتيانىڭ پارلامەنت ماجىلىسىندەگى فراكتسياسى ءارتۇرلى زاڭ جوبالارىن قاراۋ كەزىندە بيزنەستىڭ پىكىرىن ەسكەرە وتىرىپ, كاسىپكەرلەر پالاتاسىمەن ءوزارا تىعىز بايلانىستا جۇمىس ىستەيدى. باستاۋىش پارتيا ۇيىمىنىڭ قۇرىلۋى ارقاسىندا Nur Otan پارتياسىنىڭ قاتارى تولىعا ءتۇسىپ, پارتيالىق تەتىكتەر ارقىلى جەمىستى جۇمىستى ءارى قاراي جالعاستىراتىنىمىزعا سەنىمدىمىن», دەدى ابىلاي مىرزاحمەتوۆ.
بۇگىندە ەلىمىزدە Nur Otan-نىڭ 4700-دەي باستاۋىش پارتيا ۇيىمى بار. ول 900 000-نان استام ادامدى بىرىكتىرىپ وتىر. 1 300-دەن استام باستاۋىش پارتيا ۇيىمىنىڭ بازاسىندا پارتيانىڭ قوعامدىق قابىلداۋلارىنىڭ جۇمىسى ۇيىمداستىرىلعان. وعان تەك وتكەن جىلدىڭ وزىندە 213 000 ازامات جۇگىنگەن.