Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك قازاقستاندىق قىز-كەلىنشەكتەردى حالىقارالىق ايەلدەر كۇنىمەن قۇتتىقتاپ, ولاردى نۇرسۇلتان نازارباەۆتىڭ تاپسىرماسى بويىنشا پارتيالىق پرايمەريزگە قاتىسۋعا شاقىردى.
«ارداقتى انالار, اياۋلى ارۋلار! سىزدەردى كوكتەم جارشىسىنداي بولعان شۇعىلالى مەرەكە – حالىقارالىق ايەلدەر كۇنىمەن شىن جۇرەكتەن قۇتتىقتايمىن!⠀ تال بويلارىڭىزعا اسەمدىك پەن ادەمىلىكتى, ىزگىلىك پەن جىلىلىقتى, مەيىرىم مەن ماحابباتتى, اقىل مەن پاراساتتى توعىستىرىپ, توڭىرەكتەرىڭىزدى تاڭعاجايىپ ارايعا بولەپ جۇرگەن سىزدەر قانداي قۇرمەتكە بولسىن لايىقسىزدار. اسىل جار, ابزال انا رەتىندە ءاردايىم بارشا بەرەكەنىڭ باستاۋى, بىرلىكتىڭ ۇيىتقىسى, تىنىشتىقتىڭ شىراقشىسى بولىپ كەلەسىزدەر» دەپ جازدى پارتيا توراعاسىنىڭ ءبىرىنشى ورىنباسارى facebook-تەگى پاراقشاسىندا.
سونداي-اق باۋىرجان بايبەك وتباسىمەن قاتار وتانىمىزدىڭ دا گۇلدەنۋىنە ءوز ۇلەسىن قوسىپ, ەرەن ەڭبەگىمەن, ەرەكشە دارىنىمەن ەل قۇرمەتىنە يە بولعان ايەلدەر دە جەتكىلىكتى ەكەنىن ايتىپ ءوتتى.
«سوندىقتان ءبىزدىڭ پارتيامىزدىڭ كوشباسشىسى, ەلباسى نۇرسۇلتان نازارباەۆتىڭ باستاماسىمەن Nur Otan الداعى سايلاۋدا ءماجىلىس پەن بارلىق دەڭگەيدەگى ءماسليحاتتاردا وزدەرىنىڭ پارتيالىق تىزىمدەرى ارقىلى كەم دەگەندە 30% ايەلدەردىڭ كانديداتۋراسىن ۇسىنىلۋىن جوسپارلاپ وتىر. ول ءۇشىن وسى جىلدىڭ ءساۋىر-مامىر ارالىعىندا پارتياىشىلىك سايلاۋ-پرايمەريز وتكىزەمىز. ەل تاعدىرىنا بەيجاي قاراماساڭىز, وندا Nur Otan پارتياسىنىڭ ەسىگى قاشان دا اشىق!» - دەپ جازدى ول.