جىل سايىن 5-11 سىنىپ وقۋشىلارى اراسىندا وتەتىن ءداستۇرلى بايقاۋعا وبلىس ورتالىعىنداعى قازاق جانە ورىس مەكتەپتەرىندە وقيتىن الپىسقا تارتا تالاپكەر قاتىستى.
ەكى كۇنگە سوزىلعان ءبىلىم سايىسىنىڭ العاشقى كەزەڭى «ولەڭ ءسوزدىڭ پاتشاسى – ءسوز ساراسى» دەپ اتالادى. بۇل اتالىم بويىنشا ءبىلىمپاز بالالار اباي مەن شاكارىم شىعارمالارىن مانەرلەپ وقۋدان جارىستى. ال «كوڭىلىم ءاندى ۇعادى» نوميناتسياسىندا اباي مەن شاكارىمنىڭ ءان-كۇيلەرىن ورىنداۋشىلار باق سىناستى. ءمۇشايرا تۇرىندە وتكەن «جۇيرىكتەن جۇيرىك وزار» سايىسىندا تالاپكەر اقىنداردىڭ ءتول ولەڭدەرى وقىلدى.
- باستىسى, بالالار اباي اتالارى جايلى كوپ ىزدەنىپ, تەرەڭىرەك بىلە ءتۇسس ەكەن دەيمىز. بۇل كەزەڭدە وزىپ شىققان وقۋشىلار وبلىستىق بايقاۋعا جولداما الادى. بايقاۋدا جۇلدەگەرلەرگە باعالى سىيلىقتار مەن ماقتاۋ قاعازدارىن بەرۋمەن عانا شەكتەلىپ كەلەمىز. كەلەشەكتە «اباي وقۋلارىنىڭ» رەسپۋبليكالىق دەڭگەيدەگى جەڭىمپازدارىنا اتاۋلى ستيپەنديالار مەن وقۋ گرانتتارى بولىنسە يگى بولار ەدى, - دەيدى قالالىق ءبىلىم ءبولىمىنىڭ مامانى جانار دۇيسەمباەۆا.
قوستاناي