شىمكەنتتە ۇستەل تەننيسىنەن 21 جاسقا دەيىنگى سپورتشىلار اراسىنداعى ءۇشىنشى حالىقارالىق تۋرنير وتپەيتىن بولدى. بۇل تۋرالى Olympic.kz حابارلادى.
حالىقارالىق سىنعا ءازىربايجان, قىرعىزستان, وزبەكستان, تاجىكستان, قازاقستان كوماندالارى مەن رەسەيدىڭ ەكاتەرينبۋرگ قالاسىنىڭ كلۋبى قاتىسادى دەپ كۇتىلگەن. الايدا, 6 ناۋرىز كۇنى باستالۋى ءتيىس باسەكە كوروناۆيرۋس قاۋپىنە بايلانىستى كەيىنگە شەگەرىلدى.
ايتا كەتەلىك, الەمنىڭ 77 مەملەكەتىنە تارالعان كوروناۆيرۋس ينفەكتسياسىنان سوڭ قازاقستاندا حالىقارالىق جارىستار وتكىزۋگە تىيىم سالىندى.