باعا ازىق-ت ۇلىك تاۋارلارىنا اعىمداعى جىلعى ەكى ايدا (2020 جىلعى اقپان 2019 جىلعى جەلتوقسانعا) – 1,9%, ازىق-ت ۇلىك ەمەس تاۋارلارىنا – 1%, اقىلى قىزمەتتەرگە 0,9% جوعارىلادى. بۇل تۋرالى ستاتيستيكا كوميتەتىنىڭ ءباسپاسوز قىزمەتى حابارلادى.
اعىمداعى جىلدىڭ باسىنان (2020 جىلعى اقپان 2019 جىلعى جەلتوقسانعا) باعانىڭ ءوسۋى كوكونىستەرگە – 11,6%, جارمالارعا, سارى مايعا – 2,9%, جەمىستەرگە – 2,3%, ۇنعا – 2,1%, ماكارون ونىمدەرىنە – 1,9%, پاستەرلەنگەن سۇتكە, مۇزداتىلعان بالىققا – 1,6%, ەت ونىمدەرىنە, جىلقى ەتىنە – 1,5%-دان, سۇزبەگە – 1,4%, قوي ەتىنە, مايەكتى ىرىمشىككە, قىشقىل ءسۇت ونىمدەرىنە – 1,3%, شۇجىق ونىمدەرىنە, سيىر ەتىنە – 1,2%-دان, شايعا – 1,1%, توقاش جانە ۇننان دايىندالاتىن ونىمدەرىنە 0,9% بەلگىلەندى. تەمەكى ونىمدەرى 3,2% قىمباتتادى. باعانىڭ تومەندەۋى قۇمشەكەرگە – 2%, كۇرىشكە – 1,7%, سوككە 1,1% تىركەلدى.
باعا ءوسىمى اۆتوموبيلدەرگە – 1,3%, جۋعىش جانە تازالاعىش قۇرالدارعا – 1,1%, تۇرمىستىق اسپاپتارعا – 1%, جەكە قولدانىلاتىن تاۋارلارعا – 0,9%, توقىما بۇيىمدارىنا – 0,8%, جيھاز جانە ۇيگە قاجەتتى زاتتارعا, ىدىسقا 0,7%-دان قۇرادى. بەنزين – 5%, ديزەل وتىنى 0,3% قىمباتتادى, ال تاس كومىر 0,3% ارزاندادى.
باعا دەڭگەيى قۇقىقتىق, جەكە كولiك قۇرالدارىن ساقتاندىرۋ قىزمەتتەرىنە – 5%-دان, مەكتەپكە دەيىنگى بالالار مەكەمەسىنىڭ قىزمەتتەرىنە – 1,9%, دەنساۋلىق قىزمەتتەرىنە – 1,2%, مادەني ءىس-شارالار سالاسىنداعى قىزمەتتەرگە – 0,9%. ىشكى قالالىق اۆتوبۋسپەن جول ءجۇرۋ اقىسى – 2,9%, جولاۋشىلاردىڭ اۋە كولىگىمەن 0,8% قىمباتتادى, ال تەمىرجول كولىگىمەن 0,4% ارزاندادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر قوقىس شىعارۋعا – 4,9%, ەلەكتر ەنەرگياسىنا – 3%, ورتالىقتان جىلىتۋعا – 0,8%, ىستىق سۋعا – 0,7%, سۋىق سۋعا 0,6% ءوستى, ال كارىزگە 0,9% تومەندەدى.