نۇرجان توقسەيىتوۆتىڭ مەملەكەتتىك قىزمەتتە تاجىريبەسى مول.
بۇگىن ءۇرجار اۋدانىنا جاڭا اكىم تاعايىندالدى. بۇل قىزمەتكە بۇعان دەيىن التاي اۋدانىن باسقارعان نۇرجان توقسەيىتوۆ كەلدى. وبلىس اكىمى دانيال احمەتوۆ جاڭا اكىمدى اۋدان اكتيۆىنە تانىستىردى.
نۇرجان توقسەيىتوۆتىڭ مەملەكەتتىك قىزمەتتە تاجىريبەسى مول. بەسقاراعاي اۋدانىن ءبىر جارىم جىل, التاي اۋدانىن ەكى جىلدان استام ۋاقىت باسقاردى. ەڭبەك جولىن بەسقاراعاي اۋدانىنداعى «سەمەنوۆسكي» كەڭشارىندا جۇمىسشى رەتىندە باستاعان. ءبىلىمى - جوعارى. ماسكەۋدىڭ بۇكىلرەسەيلىك عىلىمي-زەرتتەۋ ينستيتۋتىندا وقىعان. «ومىرلىك تاجىريبەمدى اۋداننىڭ الەۋمەتتىك-ەكونوميكالىق دامۋىنا جۇمساۋعا دايىنمىن. اۋدان جەتىستىكتەرى بۇل جالعىز اكىمنىڭ جۇمىسى عانا ەمەس, بۇكىل حالىقتىڭ بيلىكپەن بىرگە اتقاراتىن جۇمىسى دەپ بىلەمىن. سول ءۇشىن الداعى ۋاقىتتا بار كۇشىمىزدى سالىپ, اۋداننىڭ گۇلدەنۋىنە ەڭبەك ەتەتىنىمە ۋادە بەرەمىن» دەدى نۇرجان توقسەيىتوۆ.
ايتا كەتەيىك, ءۇرجار اۋدانىن وسى ۋاقىتقا دەيىن, ياعني 7 جىل بويى باسقارعان سەرىك زاينۋلدين كەشە زايسان اۋدانىنىڭ اكىمى لاۋازىمىنا تاعايىندالعان بولاتىن.
شىعىس قازاقستان وبلىسى