ددسۇ: كوروناۆيرۋستان كوز جۇمعاندار سانى 2700-گە جەتتى

دۇنيەجۇزىلىك دەنساۋلىق ساقتاۋ ۇيىمى (WHO) ۇسىنعان سوڭعى مالىمەتكە سەنسەك, ۆيرۋس الەمنىڭ 34 ەلىندە تىركەلگەن.

وسىعان دەيىن جاپونيا, سولتۇستىك كورەيا, تايلاند, يتاليا ەلدەرىندە ناۋقاستار سانىنىڭ كۇرت وسكەنى جايلى ايتىلعان ەدى.

كەشە يران, كۋۆەيت ەلدەرى دە ىندەت جۇقتىرعان ناۋقاستاردىڭ بار ەكەنىن حابارلادى.  بۇگىن كۋۆەيت ۆيرۋس جۇقتىرعاندار سانى 8 ادامعا جەتكەنىن حابارلادى. بىرقاتار ەلدە ۆيرۋس بەلگىلەرى يراننان كەلگەن جولاۋشىلاردان بايقالعانى ايتىلعان.

78 مىڭعا جۋىق جاعداي ۆيرۋستىڭ وشاعى قىتايدا تىركەلگەن.

دۇنيەجۇزى دەنساۋلىق ساقتاۋ ۇيىمىنىڭ مالىمەتىنشە, وڭتۇستىك كورەيادا ناۋقاستار سانى 977-گە جەتكەن. سونداي-اق «Diamond Princess» لاينەرىنىڭ جولاۋشىلارى اراسىندا 695 ادام ىندەتكە شالدىققان. ال يتاليادا ۆيرۋس جۇقتىرعان 229 ادام تىركەلگەن.