بيىل قازاقستاندا 17 ملن. توننا استىق جينالادى دەپ كۇتىلىپ وتىر. اۋىل شارۋاشىلىعى مينيسترلىگى اگروونەركاسىپ كەشەنى سالاسىنداعى مەملەكەتتىك ينسپەكتسياسى كوميتەتىنىڭ توراعاسى ساقتاش حاسەنوۆتىڭ ايتۋىنشا, جيىن-تەرىم كەزىندە قيىنشىلىقتار بولماۋى ءتيىس.
بيىل قازاقستاندا 17 ملن. توننا استىق جينالادى دەپ كۇتىلىپ وتىر. اۋىل شارۋاشىلىعى مينيسترلىگى اگروونەركاسىپ كەشەنى سالاسىنداعى مەملەكەتتىك ينسپەكتسياسى كوميتەتىنىڭ توراعاسى ساقتاش حاسەنوۆتىڭ ايتۋىنشا, جيىن-تەرىم كەزىندە قيىنشىلىقتار بولماۋى ءتيىس.
ۇستىمىزدەگى جىلعى قاڭتار-ماۋسىمدا ەلىمىزدە 293 786 جەڭىل اۆتوكولىك تىركەلدى. بۇل كورسەتكىش وتكەن جىلعى ءتيىستى كەزەڭمەن سالىستىرعاندا 2,2 پايىزعا جوعارى.
قىزىلوردا وبلىسىندا «بيزنەستىڭ جول كارتاسى-2020» باعدارلاماسى اياسىندا قۇنى 11 جوبا جۇزەگە اسادى. «دامۋ» قورى ايماقتىق فيليالى مەنەدجەرى ولاردىڭ جالپى قۇنى 164 ملن. تەڭگەنى قۇرايتىنىن ايتىپ وتىر.
اتا-انالار ءبىرىنشى سىنىپقا باراتىن بالاسىن مەكتەپكە ينتەرنەت ارقىلى تىركەي الادى. «ۇلتتىق اقپاراتتىق تەحنولوگيالار» اق سايتىندا جازىلعانداي, بالانى ونلاين ءتاسىلى ارقىلى «E-learning» ەلەكتروندىق ءبىلىم بەرۋ جۇيەسى ەنگىزىلگەن مەكتەپكە (ولاردىڭ ءتىزىمى ەلەكتروندىق ۇكىمەت پورتالىندا جاريالانعان) راسىمدەۋگە بولادى.
پاۆلودار وبلىسىنىڭ ءبىلىم مەكەمەلەرى جاڭا وقۋ جىلىنا دايىن. ايماقتا الداعى ءبىرىنشى قىركۇيەك كۇنى 88,2 مىڭ وقۋشى مەكتەپكە بارماق. بارلىق ءبىلىم بەرۋ مەكەمەلەرىنە ءتيىستى جوندەۋ جۇمىستارى جۇرگىزىلگەن, وقۋلىقتاردىڭ تۇگەلى ساتىپ الىنعان.
وسكەمەندە «شىعىس» كەنتىنىڭ جاعدايى بىرتىندەپ تۇزەلىپ كەلەدى. وسىعان قاتىستى كوپتەگەن جايتتار بۇرناعى كۇنى وبلىس اكىمى بەردىبەك ساپارباەۆتىڭ «نۇرلى كوش» باعدارلاماسى شەڭبەرىندە سالىنعان قونىس تۇرعىندارىمەن كەزدەسۋى كەزىندە انىقتالىپ, الدا جاسالاتىن جۇمىستاردىڭ جوباسى بەلگىلەندى.
اقتاۋدا شەكاراشىلارعا 37 اۆتوكولىك پەن اۆتوبۋستاردىڭ كىلتى تاپسىرىلدى. جالپى, بيىل قازاقستان شەكارا قىزمەتى 200 اۆتوتەحنيكا بىرلىگىمەن تولىعىپ وتىر.
الماتى تۇرعىنىنان 1,5 توننا ورىلعان ماريحۋانا تابىلدى. «دەلتا-دولينا» ايماقارالىق ەسىرتكى بيزنەسىنە قارسى كۇرەس ءبولىمىنىڭ قىزمەتكەرلەرى كەڭەس اۋىلىنىڭ «قىرسىمبال» ۋچاسكەسىندە 32 جاستاعى ازاماتتى قولعا ءتۇسىردى.
«قازاقپارات», «قازاقستان جاڭالىقتارى», Bnews.kz,
TengriNews, EgemenNews حابارلارى
بويىنشا دايىندالدى.