استانانىڭ وزىندە جاڭا ساياباقتار مەن گۇلزارلار قۇرىلدى, ال كوگالدى الاڭدار كولەمى ميلليونداعان شارشى مەترگە جەتىپ وتىر. بۇتىندەي العاندا, ەلوردا اينالاسىنداعى قولدان وتىرعىزىلعان اعاشتار اۋماعى 65 مىڭ گەكتارعا جەتتى, مۇنىڭ 14 مىڭ گەكتارعا جۋىعى قالانىڭ ءوز ىشىندە بوي كوتەردى. بۇل جۇمىس جالعاسۋدا. ءبىز قازاقستاندى شىن مانىندە «جاسىل ەلگە» اينالدىرامىز!
نۇرسۇلتان نازارباەۆ.
دۇنيە جارالعالى ادام بالاسى ءوز جانىنا سايا ىزدەپ-اق كەلەدى. تاپقانى دا بار, جوعالتقانى دا از ەمەس. الايدا, جاراتۋشى ءاۋ باستا سول ادام بالاسىنىڭ وزەگى تالماسىن دەپ وزىمەن بىرگە وزەنى مەن كولىن, ورمانى مەن توعايىن, تاۋى مەن تاسىن, جانىنا سايا, تانىنە ازىق بولسىن دەپ تابيعات اتاۋلىنى دا جاراتقانى بار. «تابيعات پەن ادام ەگىز», دەگەندى دە تەگىن ايتپاعان بولارمىز! بىراق تا, بۇگىنگىنىڭ ادامى سول ءوزىمىزدىڭ سىڭارىمىز بەن ەگىزىمىز تابيعاتتى جۇدەتىپ تە, جۇتاڭداتىپ تا, كەي جاعدايدا توناپ تا جاتقانىمىزدى تاعى دا ءوزىمىز ايتىپ, ءتىپتى ارا-اراسىندا «تابيعاتتى قۇتقارۋ كەرەك» دەپ بايبالام سالىپ قوياتىنىمىز جانە بار.
استانانىڭ وزىندە جاڭا ساياباقتار مەن گۇلزارلار قۇرىلدى, ال كوگالدى الاڭدار كولەمى ميلليونداعان شارشى مەترگە جەتىپ وتىر. بۇتىندەي العاندا, ەلوردا اينالاسىنداعى قولدان وتىرعىزىلعان اعاشتار اۋماعى 65 مىڭ گەكتارعا جەتتى, مۇنىڭ 14 مىڭ گەكتارعا جۋىعى قالانىڭ ءوز ىشىندە بوي كوتەردى. بۇل جۇمىس جالعاسۋدا. ءبىز قازاقستاندى شىن مانىندە «جاسىل ەلگە» اينالدىرامىز!
نۇرسۇلتان نازارباەۆ.
دۇنيە جارالعالى ادام بالاسى ءوز جانىنا سايا ىزدەپ-اق كەلەدى. تاپقانى دا بار, جوعالتقانى دا از ەمەس. الايدا, جاراتۋشى ءاۋ باستا سول ادام بالاسىنىڭ وزەگى تالماسىن دەپ وزىمەن بىرگە وزەنى مەن كولىن, ورمانى مەن توعايىن, تاۋى مەن تاسىن, جانىنا سايا, تانىنە ازىق بولسىن دەپ تابيعات اتاۋلىنى دا جاراتقانى بار. «تابيعات پەن ادام ەگىز», دەگەندى دە تەگىن ايتپاعان بولارمىز! بىراق تا, بۇگىنگىنىڭ ادامى سول ءوزىمىزدىڭ سىڭارىمىز بەن ەگىزىمىز تابيعاتتى جۇدەتىپ تە, جۇتاڭداتىپ تا, كەي جاعدايدا توناپ تا جاتقانىمىزدى تاعى دا ءوزىمىز ايتىپ, ءتىپتى ارا-اراسىندا «تابيعاتتى قۇتقارۋ كەرەك» دەپ بايبالام سالىپ قوياتىنىمىز جانە بار.
دۇنيە جارالعالى سول تابيعاتقا ادامنان باسقا ماق ۇلىقتاردىڭ ەشبىرى زالالىن دا زيانىن دا تيگىزبەگەنى اقيقات. ۇشقان قۇس تا, جۇگىرگەن اڭ دا ءوزى جارالعان قالپىمەن كۇنىن كورىپ, ءوز تىرشىلىگىن جاساپ-اق جاتىر. الايدا, ادام اتتى تىرشىلىك يەسى سول جاراتىلىستىڭ قالپىن بۇزىپ, تابيعاتتىڭ تەپە-تەڭدىگىن ءوز اينالاسىنان شىعارىپ كەلەدى. ادام بالاسى ءوز كۇنكورىسى ءۇشىن جاساپ جاتىر ءبارىن دە. الايدا, ءبىز ءوز تىرشىلىگىمىزدى سول ءوز تىرشىلىگىمىز ءۇشىن قۇربان قىلىپ جاتقان جوقپىز با؟ سۋ لايلاندى, اۋا لاستاندى, ورمان-توعاي وتالىپ, ودان قالعانى بولسا وتقا ورانىپ, جەر ءوز قۇنارىنان ايىرىلىپ بارادى. بۇل ءبىر بۇگىن اشىلىپ وتىرعان جاڭالىق ەمەس. ءتىپتى, كەي جاعدايدا الەم عالىمدارى مەن ەكولوگتارىنىڭ ايتقاندارىن ەستىپ, جازعاندارىن وقي قالساڭىز, تابيعات پەن ادام تىرشىلىگى ءوزىنىڭ قاۋىپتى وربيتاسىنا شىققانداي ۇرەيدىڭ دە بيلەيتىنى بار.
وسى ءبىر الاڭ كوڭىلمەن جۇرگەن ساتتە كوك جەلەككە مالىنعان اينالاڭدى كورىپ ءۇمىتىڭدى ساباقتايتىنىڭ دا بولادى ەكەن. مىنا كۇنى كەشە عانا ىرگەتاسى قالانعانىنا ون بەس-اق جىل بولعان استانا قالاسىنىڭ ورماندى باقتارى مەن قىزىلدى جاسىلدى گۇلزارلارىن كورگەن سايىن كوڭىلىڭنىڭ كوركەيىپ شىعارى دا بار. كوڭىلىڭ كوك جەلەكپەن كوركەيىپ, جانىڭ جادىراپ, بويىڭ جازىلاتىن سانداعان باقتار ءبىر عانا استانادا قانشاما دەسەڭىزشى! استانانىڭ سول باقتارىنداعى بوي تۇزەپ, سىلاڭداپ تۇرعان كوك قاراعاي مەن اق قايىڭداردى كورگەن سايىن: «مەنىڭ كوكشەمنىڭ اسپانعا قول سوزعان كوك قاراعايى مەن بۋرابايىنىڭ مىڭ بۇرالعان ءبيشى قايىڭىنىڭ بۇرشىگىنەن ونگەن بە ەكەنسىڭ؟! – دەگەن پەرزەنتتىك ىڭكار ءبىر جۇرەگىمنىڭ كوزىمەن سۇيسىنە دە ىنتىعا قارايتىن ساتتەرىم از ەمەس! بۇل تەگى جالعىز مەنى عانا ەمەس, استانا باقتارىنىڭ بارشا استانالىقتاردى قۋانىش سەزىمىنە بولەي الار قاسيەتى دە شىعار!
ەلوردانىڭ بارلىق تىنىس-تىرشىلىگىن ۇنەمى ءوزى قاداعالاپ, بارلىق ماسەلەلەردى نازارىندا ۇستاپ وتىرۋ عادەتىنەن ءبىر تانبايتىن نۇرسۇلتان نازارباەۆ جىلىنا ءبىر-ەكى رەت استانا قالاسى مەن ونىڭ توڭىرەگىندەگى ورماندى القاپتاردى ارالاپ, ءوز كوزىمەن ءبىر كورىپ قايتاتىنى بار. استانانىڭ ازىق-ت ۇلىك بەلدەۋىمەن قاتار ونىڭ «جاسىل بەلدەۋىن» جاساۋ ماسەلەسىن ەلباسى ءبىر ۇمىتقان ەمەس. ويتكەنى, بۇل ەكەۋىنىڭ دە ەل بولۋداعى جانە دە ءبىزدىڭ ماڭگىلىك ەل بولۋداعى ومىرلىك ماڭىزى بارلىعىن مەملەكەت باسشىسى ايقىن سەزىنىپ, سول وزىنە ءتان ا