بۇگىن ۇلتتىق بانك لومباردتارمەن قالاي جۇمىس ىستەۋ تۋرالى قىسقاشا تۇسىنىك بەردى. ۇققانىمىز – اعىمداعى جىلدىڭ 1 قاڭتارىنان باستاپ ەلىمىزدىڭ بارلىق لومباردتارى ميكروقارجى ۇيىمدارى مارتەبەسىنە ءوتتى. الايدا, وسى ۋاقىتقا دەيىن بىردە-ءبىر لومبارد قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنە تىركەلمەگەن. وسىنى كوپشىلىكتىڭ قاپەرىنە سالعان باس رەتتەۋشى قازاقستاندىقتاردى تىركەلمەگەن قارجى ۇيىمدارىمەن جۇمىس ىستەمەۋگە شاقىرادى. بۇل تۋرالى اتالمىش ۆەدومستۆانىڭ ءباسپاسوز قىزمەتىنەن حابارلادى.
«قازاقستان رەسپۋبليكاسىنىڭ «ميكروقارجى قىزمەتى تۋرالى» 2019 جىلعى 3 شىلدەدەگى زاڭىنا سايكەس, لومباردتاردىڭ جەكە تۇلعالارعا ميكروكرەديتتەر بەرۋ جونىندەگى قىزمەتى 2020 جىلعى 1 قاڭتاردان باستاپ ميكروقارجى قىزمەتى رەتىندە جىكتەلەدى. سونىمەن بىرگە ءوز قىزمەتىن جۇزەگە اسىرۋ ءۇشىن لومباردتار 2020 جىلدىڭ 1 شىلدەسىنەن كەيىن تىركەلۋى كەرەك, سودان كەيىن اگەنتتىك وسى ۇيىمداردى رەتتەيدى. بۇگىنگى تاڭدا لومباردتاردىڭ بىردە-بىرەۋى اگەنتتىككە تىركەۋگە جۇگىنگەن جوق جانە سايكەسىنشە ميكروقارجى ۇيىمدارىنىڭ تىزىلىمىندە جوق» دەلىنگەن حابارلامادا.
تىركەۋدەن وتكەن ميكروقارجى ۇيىمدارىنىڭ ءتىزىمىن اگەنتتىكتىڭ www.finreg.kz رەسمي سايتىندا «رۇقساتتار مەن حابارلامالار ءتىزىلىمى» - «رۇقساتتار» - «ميكروقارجى ۇيىمدارىن ەسەپتىك تىركەۋ» بولىمىنەن تابا الاسىز.
ء«بىز كەلىسىمشارتقا وتىرعان كەزدە بارلىق ىقتيمال تاۋەكەلدەردى ءوز بەتىنشە باعالاپ, جاۋاپكەرشىلىك جۇگىن كوتەرۋگە دايىن ەكەنىڭىزگە نازار اۋدارۋلارىڭىزدى سۇرايمىز» دەپ تولىقتىردى ۇلتتىق بانك.