بايقوڭىردا 24 ملن. تەڭگەنىڭ عيماراتىن 600 مىڭ تەڭگەگە ساتقان
قىزىلوردا وبلىسى بايقوڭىر قالالىق پروكۋراتۋراسى قالاداعى قۇنى 24 561 307 تەڭگە بولاتىن عيماراتتىڭ 610 614 تەڭگەگە ساتىلىپ كەتكەنىن انىقتادى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
بايقوڭىردا 24 ملن. تەڭگەنىڭ عيماراتىن 600 مىڭ تەڭگەگە ساتقان
قىزىلوردا وبلىسى بايقوڭىر قالالىق پروكۋراتۋراسى قالاداعى قۇنى 24 561 307 تەڭگە بولاتىن عيماراتتىڭ 610 614 تەڭگەگە ساتىلىپ كەتكەنىن انىقتادى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
اتالمىش قىلمىستىق كەلىسىم «ۆ» جشق باس ديرەكتورى, بايقوڭىر قالاسى مەملەكەتتىك م ۇلىك جانە جەكەشەلەندىرۋ دەپارتامەنتىنىڭ باستىعى جانە دەپارتامەنتتىڭ ءبولىم باستىعى اراسىندا جاسالعان. وسىلايشا, اباي داڭعىلى بويىندا ورنالاسقان وبلىستىق ءادىلەت دەپارتامەنتىنىڭ تەڭگەرىمىندەگى جالپى كولەمى 720,8 شارشى مەترلىك ەكى قاباتتى عيماراتتىڭ 492 شارشى مەترلىك ەكىنشى قاباتى بارىنشا تومەندەتىلگەن باعامەن ساتىلعان. ساۋدانى جەكەشەلەندىرۋ ماقساتىندا جۇرگىزگەن ۇيىمداستىرۋشىلار بۇرىن جاسالعان جوندەۋ جۇمىستارىنا بايلانىستى قۇجاتتاردى قايتا دايىنداپ, ونىڭ ساتىلۋ باعاسىن 24 561307 تەڭگەدەن 610 614 تەڭگەگە دەيىن ءتۇسىرىپ جىبەرگەن. وسىلايشا, مەملەكەتتىڭ زاڭمەن قورعالاتىن مۇددەلەرىن ەلەۋلى تۇردە بۇزىپ, اۋىر زارداپتارعا اكەپ سوقتىرعانى انىقتالدى.
اتالعان دەرەكتەر بويىنشا جوعارىدا اتالعان ءبىرىنشى تۇلعاعا قاتىستى قىلمىستىق كودەكستىڭ 177-بابى 3-بولىگى «ب» تارماعىمەن, ەكىنشى تۇلعاعا قاتىستى 307-بابى 4-بولىگى «ب» تارماعىمەن جانە 314-بابى 2-بولىگىمەن, ال ءۇشىنشى تۇلعاعا قاتىستى 314-بابى 2-بولىگىمەن قىلمىستىق ىستەر قوزعالىپ, قاراۋ ءۇشىن ايىپتاۋ قورىتىندىسىمەن بايقوڭىر قالالىق سوتىنا جولداندى.
قۇرىش نۇرىمبەت.