اسقار مامين: ءجۇن سالاسىن دامىتۋدا ەڭبەك ونىمدىلىگى ارتادى

قازاقستان رەسپۋبليكاسى پارلامەنتى سەناتىنىڭ دەپۋتاتتارى ع. دۇيسەمباەۆ, ب. ەلامانوۆ, س. ەڭسەگەنوۆتىڭ 2020 جىلعى 25 قاڭتارداعى ءجۇن سالاسىن دامىتۋعا قاتىستى دەپۋتاتتىق ساۋالىنا  جاۋاپ بەرىلدى.

پرەمەر-مينيستر — اسقار مامين

سىزدەردىڭ ءجۇن سالاسىن دامىتۋعا قاتىستى ساۋالدارىڭىزدى قاراپ, كەلەسىنى حابارلايمىن.

2015-2019 جىلدار كەزەڭىندە جەڭىل ونەركاسىپتە كاسىپورىندار سانىنىڭ 845-تەن 1071-عا دەيىن ءوسۋى بايقالادى, ونىڭ نەگىزگى ۇلەسى (60%) تىگىن كاسىپورىندارىنا, توقىما بۇيىمدارىن ءوندىرۋ بويىنشا كاسىپورىندارعا 30% جانە بىلعارى مەن وعان جاتاتىن ونىمدەر وندىرىسىنە 10% تيەسىلى. 5 جىل ىشىندە جەڭىل ونەركاسىپ ءوندىرىسىنىڭ كولەمى 2015 جىلى 71,6 ملرد. تەڭگەدەن 2019 جىلى 112,7 ملرد. تەڭگەگە دەيىن ءوستى. 2019 جىلى جەڭىل ونەركاسىپ ءوندىرىسىنىڭ كولەمى 2018 جىلدىڭ ۇقساس كەزەڭىمەن سالىستىرعاندا 13,5% ءوستى. 

ءوسىم توقىما بۇيىمدارى وندىرىسىندە 16,1% جانە كيىم وندىرىسىندە 8,2% بولدى. قازىرگى ۋاقىتتا جەڭىل ونەركاسىپ كاسىپورىندارىن قولداۋ ءونىم ەكسپورتىن ىلگەرىلەتۋ, ەڭبەك ونىمدىلىگىن ارتتىرۋدى ىنتالاندىرۋ, تاۋارلاردى ىشكى نارىقتا جىلجىتۋ جانە ت. ب. سياقتى وڭدەۋشى ونەركاسىپكە باعىتتالعان جۇيەلى شارالار شەڭبەرىندە كورسەتىلەدى.