قازاقستان رەسپۋبليكاسى پارلامەنتى سەناتىنىڭ دەپۋتاتتارى ب. بەكنازاروۆ, ا. قاپباروۆا, ن. بەكنازاروۆتىڭ «وڭتۇستىك» ارنايى ەكونوميكالىق ايماعىن دامىتۋ ماسەلەلەرىنە قاتىستى دەپۋتاتتىق ساۋالىنا جاۋاپ بەردى.
قازاقستان رەسپۋبليكاسى پارلامەنتى سەناتىنىڭ دەپۋتاتتارى ب. بەكنازاروۆ, ا. قاپباروۆا, ن. بەكنازاروۆتىڭ 2020 جىلعى 27 قاڭتارداعى №16-13-19 «وڭتۇستىك» ارنايى ەكونوميكالىق ايماعىن (بۇدان ءارى – «وڭتۇستىك» اەا) دامىتۋ ماسەلەلەرىنە قاتىستى دەپۋتاتتىق ساۋالىنا جاۋاپ بەردى.
پرەمەر-مينيستر — اسقار مامين:
سىزدەردىڭ «وڭتۇستىك» ارنايى ەكونوميكالىق ايماعىن (بۇدان ءارى - «وڭتۇستىك» اەا) دامىتۋ ماسەلەلەرىنە قاتىستى ساۋالدارىڭىزدى قاراپ, مىنانى حابارلايمىن.
جۇمىس ىستەپ تۇرعان توقىما كاسىپورىندارىن قولداۋ ماقساتىندا قازىرگى ۋاقىتتا اەا اۋماعىنا «AZALA Textile» جشس, «Alliance» سوك كومپانيالار توبىنىڭ توقىما كاسىپورىندارىن قوسا وتىرىپ, ونىڭ اۋماعىن كەڭەيتۋ ماسەلەسى پىسىقتالۋدا.
اەا اۋماعىندا ەرەكشە سالىق رەجيمى قولدانىلادى, وعان سايكەس وسى ايماققا قاتىسۋشىلار م ۇلىك, جەر سالىعىن, كورپوراتيۆتىك تابىس سالىعىن, اەا اۋماعىندا ساتىلاتىن تاۋارلارعا قوسىلعان قۇن سالىعىن تولەۋدەن بوساتىلادى.
سونداي-اق كوممۋنالدىق قىزمەتتەرگە ءتيىمدى تاريفتەر جانە شەتەلدىك جۇمىس كۇشىن تارتۋدىڭ وڭايلاتىلعان قاعيدالارىن قولدانۋ ەسەبىنەن ارتىقشىلىقتار بار دەپ جاۋاپ بەردى.