«بوكەر» ەۆرەي ەتنومادەني ورتالىعىنىڭ جاستار قاناتى قۇرىلعان كۇننەن باستاپ, كوپتەگەن يگى شارالاردى ۇيىمداستىرىپ كەلەدى. جاقىندا ولار «كوكتەم» جازعى الاڭىندا قالالىق دوستىق ۇيىمەن بىرلەسە, قازاق فۋتبولىنىڭ 100 جىلدىعى جانە استانا قالاسىنىڭ 15 جىلدىعىنا وراي «ءبىز ءوز ەلىمىزدىڭ پاتريوتتارىمىز!» اتتى كونتسەرتتىك باعدارلاماسىن ۇيىمداستىردى. اتالعان شاراعا 150-دەن استام ادام قاتىستى.
بۇل ءىس-شارانىڭ نەگىزگى ماقساتى جاستاردىڭ بوس ۋاقىتىن ءماندى وتكىزۋ بولىپ تابىلادى. سونداي-اق, سالاماتتى ءومىر سالتىن قالىپتاستىرۋ, سونىمەن قاتار قالا تۇرعىندارىنا دوستىق ءۇيىنىڭ ەتنومادەني بىرلەستىگىن جاقىن تانىستىرۋ دا اسا ماڭىزدى, دەيدى قالالىق اكىمدىكتىڭ ماماندارى. شاعىن اۋداننىڭ تۇرعىندارى مەن قوناقتارىنا قىزىقتى كونتسەرتتىك باعدارلاما ۇسىنىلدى.
– بىزگە انتون ۆايزگەيم مەن كسەنيا ۆەيدىڭ ورىنداعان اندەرى ەرەكشە اسەر ەتتى, – دەدى كونتسەرتتىك باعدارلامانى تاماشالاۋعا كەلگەن ءدۇريا احمەروۆا. تالانتتى جاستار ءبىزدىڭ ەلىمىزدىڭ بولاشاعى.
راۋشان نۇعمانبەكوۆا.
سەمەي.