ماسكەۋ قازاقتارى مەن قازاقستان ەلشىلىگىنىڭ قىزمەتكەرلەرى جىل سايىن قازاقتىڭ ۇلى اقىنى ابايدىڭ تۋعان كۇنى ماسكەۋدىڭ «چيستىە پرۋدى» ساياباعىنداعى ەسكەرتكىشىنە گۇل شوقتارىن قويىپ, كەمەڭگەر بابامىزعا باس ءيىپ قايتۋدى داستۇرگە اينالدىرعان. بيىل دا 10 تامىز كۇنى قازاقستان ەلشىلىگىنىڭ قولداۋىمەن «قازاق ءتىلى» جانە «مۇراگەر» قوعامدارى ۇيىمداستىرعان «اباي وقۋلارى» دەپ اتالاتىن پوەزيا كەشىنە ارنايى شاقىرىلعان قوناقتار: بەلگىلى اقىن-جازۋشىلار مەن قوعام قايراتكەرلەرى, دياسپورا وكىلدەرى, ەلشىلىكتىڭ قىزمەتكەرلەرى الدىمەن اباي ەسكەرتكىشىنە گۇل قويىپ قۇرمەت كورسەتتى. قوناقتار اتىنان جازۋشىلار وداقتارىنىڭ حالىقارالىق قاۋىمداستىعى اتقارۋ كوميتەتىنىڭ مۇشەسى يۆان سابيلو ءسوز الىپ, جينالعانداردى ۇلى اقىننىڭ تۋعان كۇنىمەن قۇتتىقتادى.
ماسكەۋ قازاقتارى مەن قازاقستان ەلشىلىگىنىڭ قىزمەتكەرلەرى جىل سايىن قازاقتىڭ ۇلى اقىنى ابايدىڭ تۋعان كۇنى ماسكەۋدىڭ «چيستىە پرۋدى» ساياباعىنداعى ەسكەرتكىشىنە گۇل شوقتارىن قويىپ, كەمەڭگەر بابامىزعا باس ءيىپ قايتۋدى داستۇرگە اينالدىرعان. بيىل دا 10 تامىز كۇنى قازاقستان ەلشىلىگىنىڭ قولداۋىمەن «قازاق ءتىلى» جانە «مۇراگەر» قوعامدارى ۇيىمداستىرعان «اباي وقۋلارى» دەپ اتالاتىن پوەزيا كەشىنە ارنايى شاقىرىلعان قوناقتار: بەلگىلى اقىن-جازۋشىلار مەن قوعام قايراتكەرلەرى, دياسپورا وكىلدەرى, ەلشىلىكتىڭ قىزمەتكەرلەرى الدىمەن اباي ەسكەرتكىشىنە گۇل قويىپ قۇرمەت كورسەتتى. قوناقتار اتىنان جازۋشىلار وداقتارىنىڭ حالىقارالىق قاۋىمداستىعى اتقارۋ كوميتەتىنىڭ مۇشەسى يۆان سابيلو ءسوز الىپ, جينالعانداردى ۇلى اقىننىڭ تۋعان كۇنىمەن قۇتتىقتادى.
– اباي – تەك قازاق حالقىنىڭ عانا ماقتانىشى ەمەس, كۇللى ادامزاتقا ورتاق, ۇلى تۇلعا, اسىرەسە, ورىس پەن قازاق حالىقتارىنىڭ اراسىندا دوستىق بايلانىستىڭ ءتۇزىلۋىن ۇندەگەن, سوعان دانەكەر بولعان جان, – دەدى ول. – ەكى ەل اراسىنداعى ادەبي بايلانىستاردىڭ باستاۋى بولعان دا اباي. ونىڭ فيلوسوفيالىق دانا ويلارى, جاۋھار جىرلارى – الەم حالقىنا ورتاق اسىل قازىنا. سوندىقتان, ابايدىڭ تۋعان كۇنى بارىمىزگە ورتاق مەرەكە.
مەرەكە ودان ءارى ەلشىلىكتىڭ «ءباسپاسوز ورتالىعىندا» جالعاستى. «اباي وقۋلارى» پوەزيا كەشىن قازاقستان ەلشىلىگىنىڭ كەڭەسشى-وكىلى ۆيكتور تەمىرباەۆ قىسقاشا ءسوز سويلەپ اشتى.
– ماسكەۋدە العاشقى رەت وتكىزىلگەلى وتىرعان «اباي وقۋلارى» پوەزيا كەشىنىڭ ەكى ەل اراسىنداعى مادەني, دوستىق بايلانىسقا تيگىزەر اسەرى مول. وسى پوەزيا كەشىن جانە اباي اتامىزدىڭ تۋعان كۇنىن جىل سايىن ماسكەۋدە وتكىزىپ تۇرۋدى داستۇرگە اينالدىرعىمىز كەلەدى, – دەدى ول. مۇنان سوڭ ۆ.تەمىرباەۆ ەلشى عالىم ورازباقوۆتىڭ اتىنا جولدانعان قازاقستان جازۋشىلار وداعىنىڭ توراعاسى نۇرلان ءورازاليننىڭ العىس حاتىن وقىپ بەردى.
بەلگىلى اقىن جازۋشىلار – ۆالەري پوۆولياەۆ, ميحايل سينەلنيكوۆ, ليۋدميلا ششيپاحينا, گلان ونانيان, ۆياچەسلاۆ ساموشكين, ستانيسلاۆ شيلوۆ, قوناقتار اراسىنان «رەسەي-گرۋزيا» قوعامىنىڭ پرەزيدەنتى ۆلاديمير حومەريكي, ۇلى اباي جايلى تەبىرەنە سويلەپ, مۇنان بۇلاي دا «اباي وقۋلارى» جىر كەشىنىڭ داستۇرگە اينالۋىنا اتسالىساتىندارىن ايتتى.
باسپاگەر ۆياچەسلاۆ ساموشكين وزدەرى شىعاراتىن «ديالوگ مورەي» جۋرنالىنىڭ الداعى جاڭا سانىندا اباي جايلى ماقالا جانە اباي جىرلارى بەرىلەتىنىنەن حاباردار ەتتى.
جيىنعا قاتىسۋشىلار اقىن ابايدىڭ ولەڭدەرىن قازاق-ورىس تىلىندە الما-كەزەك وقىسا, كومپوزيتور ابايدىڭ اسەم اندەرىن ورىنداۋشىلار دا از بولعان جوق.
تۇرسىناي ورازباەۆا.
ماسكەۋ.