قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى ەلىمىزگە «Fonterra» (جاڭا زەلانديا) كومپانياسى شىعارعان تاماق ونىمدەرىن اكەلۋگە تىيىم سالۋ تۋرالى قاۋلى قابىلدادى. باس مەملەكەتتىك سانيتارلىق دارىگەردىڭ مۇنداي قادامعا بارۋىنا جاڭا زەلانديانىڭ العاشقى سالالار مينيسترلىگىنىڭ ءسۇت سارىسۋىنىڭ كونتسەنتراتىندا بوتۋليزم ۋىتى بار ونىمدەردى كەرى قايتارۋ جونىندە شارالار قولدانۋ تۋرالى رەسمي اقپاراتى سەبەپ بولىپ وتىر. اتالمىش مينيسترلىك «Fonterra» كومپانياسى وندىرەتىن تاماق ونىمدەرىنىڭ, اتاپ ايتقاندا, بالالارعا ارنالعان ءسۇت قوسپالارىنىڭ, سپورتتىق پروتەين قوسپالارىنىڭ جانە باسقا دا سۋسىنداردىڭ باكتەريولوگيالىق لاستانۋىمەن بايلانىستى جاعدايدى راستاماق.
وسىعان وراي, مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ اۋماقتىق بولىمشەلەرىنە جوعارىدا اتالعان كومپانيانىڭ بالالارعا ارنالعان ءسۇت قوسپالارىن اينالىمنان الىپ تاستاۋ تۋرالى تاپسىرما بەرىلدى, دەپ حابارلادى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ءباسپاسوز قىزمەتى.