بۇگىن, 13 تامىز كۇنى استانادا بولىپ وتكەن شايبالى حوككەيدەن قازاقستان رەسپۋبليكاسى كۋبوگى جولىنداعى فينالدىق ويىندا رەسەيدىڭ حانتى-مانسيسك قالاسىنىڭ «يۋگرا» كومانداسى 4:3 ەسەبىمەن ۇتقان جەرگىلىكتى «بارىس» كلۋبى باس بايگەنى جەڭىپ الدى.
كەزدەسۋدىڭ ءبىرىنشى تايمىندا ەسەپ اشقان قوناقتار شابۋىلشىسى ارتەم بۋليانسكيدىڭ گولىنا استانالىق دميتري ۋپپەر جاۋاپ بەردى. ەكىنشى كەزەڭدە رەسەيلىكتەر اندرەي شەفەر مەن ەۆگەني حۆوستوۆتىڭ سالعان شايبالارى ارقاسىندا العا شىعىپ كەتتى. بۇل ارالىقتا بارىستىقتار رومان ستارچەنكونىڭ ناتيجەلى شابۋىلى ارقاسىندا ءبىر شايبانىڭ قارىمتاسىن قايتارىپ ۇلگەردى.
قارسىلاستار وسىلايشا ءۇشىنشى كەزەڭدى مەيمانداردىڭ ءبىر گول ايىرماسىمەن (3:2) العا شىعۋى جاعدايىندا باستادى. دەگەنمەن, وسى شەشۋشى ساتتە جيناقى ويىن كورسەتكەن استانالىقتار جاۋاپسىز ەكى شايبا سوعىپ, قورىتىندا جەڭىستى قامتاماسىز ەتتى. جەرلەستەرىمىزدەن بۇل گولداردى رومان ستارچەنكو مەن اندرەي گاۆريلين ءوز ەسەپتەرىنە جازدى.
وسىنىڭ الدىندا تۋرنيردەگى ءۇشىنشى ورىن ءۇشىن شايقاس بولىپ, وندا پودولسكىنىڭ «ۆيتياز» كومانداسى حاباروۆسكىنىڭ «امۋرىن» جەڭدى.
دامير قوجامقۇل.