اۋىل اكىمدەرىنىڭ العاشقى سايلاۋىندا ءوز تۋعان ورتاسىن ورەلى ىستەرگە جۇمىلدىرۋعا سەنىم كورسەتىلگەن نازار ماعزۇموۆ بۇل كۇندە قىزمەتىنە قىزۋ كىرىسكەلى وتىر. بۇقار جىراۋ اۋدانىنىڭ ىرگەلى ءبىر وتاۋى – كورنەەۆكا سەلولىق وكرۋگىن باسقارۋ وعان سونشالىقتى تاڭسىق بولماسا دا, وسى جولعى جاۋاپكەرشىلىك جۇگىنىڭ ءمانى مەن ءجونى بولەكتىگى تالپىنىستى تاۋداي ەتۋگە ۇمتىلدىرادى.
اۋىل اكىمدەرىنىڭ العاشقى سايلاۋىندا ءوز تۋعان ورتاسىن ورەلى ىستەرگە جۇمىلدىرۋعا سەنىم كورسەتىلگەن نازار ماعزۇموۆ بۇل كۇندە قىزمەتىنە قىزۋ كىرىسكەلى وتىر. بۇقار جىراۋ اۋدانىنىڭ ىرگەلى ءبىر وتاۋى – كورنەەۆكا سەلولىق وكرۋگىن باسقارۋ وعان سونشالىقتى تاڭسىق بولماسا دا, وسى جولعى جاۋاپكەرشىلىك جۇگىنىڭ ءمانى مەن ءجونى بولەكتىگى تالپىنىستى تاۋداي ەتۋگە ۇمتىلدىرادى.
– وزىڭىزبەن جارىسا سىنعا ءتۇسكەن ەكى ۇمىتكەرگە قاراعاندا, تاڭداۋشىلاردىڭ سىزگە بەرگەن داۋىس سانى باسىمدىراق بولعانىن بىلەمىز. مۇنى كۇتىپ پە ەدىڭىز؟
– قانشا ايتقانمەن ءبىلىم تەرەڭدەتىپ, اۋىلدىڭ نەگىزگى سالاسىمەن وزەكتەس ماماندىق مەڭگەرۋدەن بەرگى ەڭبەك جولىم جەرلەستەرىم تىنىس-تىرشىلىگىمەن بىتە قايناسىپ كەلە جاتۋىنا بايلانىستى جانە جۇرت مەنى جاقسى بىلەتىندىكتەن, ىشتەي ءۇمىتتىڭ ۇلكەن بولعانى راس. ايتسە دە, سايلاۋدىڭ اتى سايلاۋ عوي. باسقالاردىڭ وزىندىك ارتىقشىلىقتارى دا باعالانسا, نە داۋ, ارينە. سوندىقتان قاتتى تولقىعانىم جاسىرىن ەمەس. داۋىس بەرۋ قورىتىندىسى شىعارىلعان بەتتە سەنىمدى وكىلىم جەتكىزگەن قۋانىشتى حابار ۇمىتىلا قويماس, ءسىرا. حالىقتىڭ وكىلەتتى وكىلدەرىنىڭ قالاۋىنا لايىق بولا ءبىلۋ – باستى ماقساتىم. بۇل مىندەتىمە جاڭاشا سيپات بەرەرى ءسوزسىز.
– اۋىلىڭىز ءبىراز جەرگە ءمالىم. شارۋاشىلىعى دا, تۇرمىس جاعدايى دا ءتاۋىر سانالاتىن سىڭايلى. جۇمىسىڭىز ودان ءارى قاي باعىتتا جالعاسپاق؟
– اقجار, العاباس اتتى بۇرىنعى ەكى بولىمشەنى جانە نەگىزگى ەلدى مەكەن ورتالىعىن قامتيتىن سەلولىق وكرۋگىمىز اۋماعى مەن تۇرعىندارى جاعىنان اۋدانىمىزدىڭ ىرگەلى ايماعى بولىپ تابىلادى. ۋچاسكەلىك اۋرۋحانانى ساقتاپ قالا الدىق, 3 دارىگەر, 9 مەدبيكە اۋىلداستارى دەنساۋلىقتارىنا ساق. بولىمشەدەگىلەردەگى مەكتەپتەر مەن كلۋبتار دا جاقسى كۇتىمنىڭ ارقاسىندا سول قالپىندا. بالالارعا ارنالعان سپورت الاڭدارى جاسالدى.
سوڭعى جىلداردا قايتا تۇرلەنىپ, تۇلەنۋ جاعى, شۇكىر, جامان ەمەس. ءوز ءىسىن تۇزەپ, ەگىن ەگىپ, مال ءوسىرۋدى ورلەتۋشىلەر ارقىلى تۇرعىندارىمىزدىڭ جالپى ءال-اۋقاتى اجەپتاۋىر ءوسۋ ۇستىندە. قازاقى باۋىرمالدىق, قولعابىستىق جاراسقان اۋىلىمىز ازاماتتارىنىڭ ىنتىماقتاستىعى – بەرەكەلى ءومىر تىرەگى.
بىزدە ەڭبەك ەتۋگە قابىلەتتى 1 مىڭعا تارتا جان اراسىندا بوس جۇرۋشىلەر جوق. سولاي بولۋىنا بارىنشا قولداۋ جاسالادى. كوبى 63 شارۋا قوجالىعىنا ەڭبەك ەتۋگە قامتىلعان, 10 جەكە كاسىپكەردىڭ وزىمەن قوسا وزگەلەردىڭ دە كوشتەن قالماۋىنا ۇلەسى ايتارلىقتاي.
جاسىراتىنى جوق, كەيىنگى كەزدە جاستاردىڭ تۇراقتاماۋى بەلەڭ الىپ كەلەدى. ونى توقتاتۋ, ورنىمىزدى باسار بۋىندى قالىپتاستىرۋ سايلاۋالدى باعدارلامادا كوزدەلگەندەي, وسى ىسكە بارىنشا كۇش سالىنباق.
– باعدارلاما دەمەكشى, ءبىرىنشى كەزەكتە تۇرعان مىندەتتەر مۇنىمەن شەكتەلمەيتىن شىعار.
– وعان ءسوز بار ما؟! قاي جاعىنان الساق تا جەتىپ ارتىلادى. ورتالىقتاعى كلۋبتى قالپىنا كەلتىرىپ, مادەني ءومىردى قۇلپىرتساق دەيمىز. اۋىلىمىز ءبىر كەزدە ونەرپازدارىمەن اتاعى الىسقا جايىلعان ەدى. ونەر وتى مازداعان جەر تىرشىلىگى قىزىقتى, قىزعىلىقتى ەمەس پە! سونداي ورتاعا اينالۋدى باستى نازاردا ۇستاماقپىن.
وكرۋگتىڭ اينالاسى تابيعاتى اسەمدىگىمەن ەرەكشەلەنەدى. بەلاعاش اتالاتىن تۇس شوعىر-شوعىر ورمان-توعاي. ونىڭ كوركىن ساقتاپ قانا قويماي, الىس-جاقى