كەشە قازاقستان پرەزيدەنتى جانىنداعى ورتالىق كوممۋنيكاتسيا قىزمەتىنىڭ ءداستۇرلى بريفينگىندە ورتالىق قىزمەتكەرى بولات سادىقوۆ اپتانىڭ نەگىزگى وقيعالارىمەن تانىستىردى.
كەشە قازاقستان پرەزيدەنتى جانىنداعى ورتالىق كوممۋنيكاتسيا قىزمەتىنىڭ ءداستۇرلى بريفينگىندە ورتالىق قىزمەتكەرى بولات سادىقوۆ اپتانىڭ نەگىزگى وقيعالارىمەن تانىستىردى.
«16 تامىزدا ەل پرەزيدەنتى نۇرسۇلتان نازارباەۆ تۇركىتىلدەس مەملەكەتتەردىڭ ىنتىماقتاستىعى كەڭەسىنىڭ (تمىك) ازەربايجان رەسپۋبليكاسىنىڭ گابالا قالاسىندا وتەتىن ءىىى-سامميتىنە قاتىسادى. تمىك-نىڭ ءبىرىنشى سامميتى 2011 جىلى قازاقستان پرەزيدەنتىنىڭ باستاماسىمەن الماتىدا ءوتىپ, وندا ەكونوميكالىق ىنتىماقتاستىق ماسەلەلەرى تالقىلانعان بولاتىن. ونىڭ قورىتىندىسى بويىنشا الماتى دەكلاراتسياسىنا قول قويىلدى. كەڭەسكە 4 مەملەكەت: تۇركيا, قىرعىزستان, قازاقستان جانە ازەربايجان كىرەدى», دەدى بولات سىدىقوۆ.
بۇدان سوڭ ول 17-20 تامىزدا قىتاي حالىق رەسپۋبليكاسىنىڭ سىرتقى ىستەر ءمينيسترى ۆان ي قازاقستانعا رەسمي ساپارمەن كەلەتىنىن, ساپار بارىسىندا ەكىجاقتى كەزدەسۋلەر جوسپارلانىپ وتىرعانىن, ونىڭ ىشىندە قازاقستاننىڭ سىرتقى ىستەر مينيسترى ەرلان ىدىرىسوۆپەن كەلىسسوزدەر كوزدەلىپ وتىرعانىن جەتكىزدى. «ساۋدا-ەكونوميكالىق, ەنەرگەتيكالىق, شيكىزات ەمەس جانە ينۆەستيتسيالىق سالالارداعى ەكىجاقتى ىنتىماقتاستىقتى تەرەڭدەتۋ, سونداي-اق, كوپقىرلى تۇرپاتتاعى ءوزارا ارەكەتتەستىكتەر, ونىڭ ىشىندە قىركۇيەك ايىندا بولاتىن شىۇ ءسامميتى ماسەلەلەرى دە باستى نازاردا بولادى», دەدى ول. ۆان ءيدىڭ رەسمي ساپارى ءۇستىمىزدەگى جىلعى 6-8 قىركۇيەككە جوسپارلانعان قحر توراعاسىنىڭ ءبىزدىڭ ەلىمىزگە جاسايتىن ءبىرىنشى مەملەكەتتىك ساپارىنىڭ الدىندا ۇيىمداستىرىلىپ وتىر.
بريفينگكە سىرتقى ىستەر مينيسترىنىڭ ورىنباسارى قايرات سارىباي دا قاتىسىپ, قازاقستان پرەزيدەنتى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىنىڭ سىرتقى ساياسي اسپەكتىلەرىنە قاتىستى ءسوز سويلەدى.
«ەلباسى حالىققا قازىرگى زامانعا ساي حالىقارالىق وركەنيەتتىڭ دامۋى مەن ءححى عاسىردىڭ عالامي قاۋىپ-قاتەرلەرى ەسكەرىلگەن قازاقستاننىڭ ۇزاق مەرزىمدى دامۋىنىڭ جاڭا باعدارلاماسى «2050 ستراتەگياسىن» جاريا ەتتى. مۇندا 2050 جىلعا دەيىن قازاقستاننىڭ دۇنيەجۇزىندە ەڭ دامىعان 30 مەملەكەتتىڭ قاتارىنا ەنۋ تۋرالى مىندەتتەر قويىلدى. ستراتەگيانىڭ ەڭ باستى ماقساتى – قازاقستاندىقتاردىڭ ءومىر ءسۇرۋ دەڭگەيى مەن تۇرمىس ساپاسىن تۇبەگەيلى كوتەرۋ. اتالعان ماقساتتارعا جەتۋ ءۇشىن جانە قازاقستاننىڭ ودان ءارى دامۋ ۆەكتورىن انىقتاۋ ءۇشىن ەلباسى ستراتەگيانىڭ باسقا دا ماڭىزدى باعىتتارىمەن قاتار, جاڭا قاۋىپ-قاتەرلەرگە سايكەس حالىقارالىق جانە قورعانىس ساياساتىن قالىپتاستىرۋ قاجەتتىلىگىنە نازار اۋداردى», دەدى وسى جونىندە قايرات سارىباي.
«جولداۋدا سىرتقى ساياساتتى زامان تالاپتارىنا سايكەستەندىرۋ ءۇشىن ارنايى باسىمدىقتار كورسەتىلگەن, دەدى ۆيتسە-مينيستر ءارى قاراي. – ولار: ايماقتىق جانە ۇلتتىق قاۋىپسىزدىكتى بارىنشا نىعايتۋ, ەكونوميكالىق جانە ساۋدا ديپلوماتياسىن بەلسەندى تۇردە دامىتۋ, مادەني-گۋمانيتارلىق, عىلىمي-تانىمدىق جانە دە باسقا ساباقتاس سالالاردا حالىقارالىق ىنتىماقتاستىقتى جانداندىرۋ, ءبىزدىڭ شەتەلدەردەگى ازاماتتارىمىزدىڭ قۇقىقتىق قورعانىسىن كۇشەيتۋ, ولاردىڭ جەكە, وتباسىلىق جانە ءىس مۇددەلەرىن قورعاۋ. سىرتقى ىستەر مينيسترلىگى قويىلعان جاڭا ستراتەگيانىڭ ماقساتى مەن مىندەتىن, وعان جەتۋ ءۇشىن قانداي ءادىس پەن ءتاسىل قولدانۋ, ۇزاق مەرزىمدى كەزەڭدە قايدا ءجۇرۋىمىز كەرەك ەكەنىن انىق جانە ناقتى كورۋدە». سونداي-اق, ول جولداۋدى سىرتقى ساياسي سالادا جۇزەگە اسىرۋ بويىنشا ءىس-شارالار جوسپارى قابىلدانىپ, ونى دايەكتى تۇردە ورىنداۋ قولعا الىنعانىن, ۇستىمىزدەگى جىلدىڭ ناۋرىز ايىندا ءسىم القاسى وتكىزىلىپ, وندا قاجەتتى تاپسىرمالار, ناقتى مەرزىمدەر مەن اتقارۋشىلار بەلگىلەنگەنىن دە اتاپ ءوتتى. «ەلباسى ءوز جولداۋىندا ەلدىڭ سىرتقى ساياسي باسىمدىقتارىن بەلگىلەپ بەردى. ول – كورشى ەلدەرمەن – رەسەي, قىتاي, ورتالىق ازيا مەملەكەتتەرىمەن, سونداي-اق اقش جانە ەۋروپا ەلدەرىمەن ارىپتەستىكتى دامىتۋ», دەدى ق.سارىباي.
«ازيا باعىتىنداعى جەتىستىكتەر اراسىندا ەلباسىنىڭ تاياۋدا يرانعا جاساعان ساپارى, پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ جاپونياعا ساپارى, سونىمەن بىرگە, سىرتقى ىستەر ءمينيسترى ەرلان ىدىرىسوۆتىڭ ۇندىستانعا رەسمي ساپارىن اتاپ وتۋگە بولادى. ءبىز افريكاداعى ادام دامۋى جانە ەكونوميكانىڭ ءوسۋ بولاشاعىنىڭ زور ەكەنىن پايىمداپ وتىرمىز جانە بۇل ايماقتىڭ حالىقارالىق ۇيىمدار شەڭبەرىندە ارتىپ كەلە جاتقان ساياسي ماڭىزدىلىعىن ەسكەرۋدەمىز. ناق وسى سەبەپپەن قازاقستان جاقىن ارادا افريكا وداعىنا باقىلاۋشى ەل قاتارىنا قوسىلۋدى كوزدەپ وتىر», دەدى ول ءسوزىنىڭ سوڭىندا. – ديپلوماتيامىزدىڭ افريكا باعىتىنداعى ماڭىزدى قادامى ءۇ