جۋىردا ورالداعى شاعان وزەنىنىڭ جاعاسىندا جىلدام جۇزەتىن Fس19 كاتەرىن سۋعا ءتۇسىرۋ سالتاناتى ءوتتى. ءبىر قۋانارلىعى – بۇل شاعىن قايىق ءوزىمىزدىڭ وتاندىق ءونىم. «ورال «زەنيت» زاۋىتى» اق-تا قۇراستىرىلعان.
جۋىردا ورالداعى شاعان وزەنىنىڭ جاعاسىندا جىلدام جۇزەتىن Fس19 كاتەرىن سۋعا ءتۇسىرۋ سالتاناتى ءوتتى. ءبىر قۋانارلىعى – بۇل شاعىن قايىق ءوزىمىزدىڭ وتاندىق ءونىم. «ورال «زەنيت» زاۋىتى» اق-تا قۇراستىرىلعان.
قايىق جاعالاۋ كۇزەتى مەن شولعىنشىلىقتا جۇرۋگە, سونداي-اق, ىشكى سۋلار مەن كاسپي تەڭىزىنىڭ جاقىن جاعالاۋلارىن تورۋىلدايتىن قاسكويلەر مەن بۇقپا «بارىمتاشىلاردىڭ» ىزىنە ءتۇسىپ, ۇستاۋ جولىندا تاپتىرا بەرمەس سۋ كولىگىنە اينالىپ وتىر. تۇساۋى كەسىلگەن سۋ كولىگىنىڭ ۇزىندىعى 20, ەنى 4, ال بيىكتىگى 2,5 مەترگە جۋىقتايدى. بۇل كاتەردىڭ ەكيپاج قۇرامى 4 ادامنان جاساقتالعان. ال باستى ەرەكشەلىگى نە دەسەڭىز, ول ونىڭ جىلدامدىعىندا. جاڭا قايىق ساعاتىنا 100 شاقىرىمعا (48-50 توراپقا) دەيىن جۇيتكي الادى.
– FC19 قايىعىنىڭ جاقسى تەحنيكالىق مىنەزدەمەسىن ەسكەرە وتىرىپ, قر ۇقك-ءنىڭ شەكارا قىزمەتى وسىنداي كاتەرلەرگە تاپسىرىس بەرۋدى جوسپارلاپ وتىر,– دەيدى شەكارا قىزمەتىنىڭ ديرەكتورى, گەنەرال-لەيتەنانت نۇرلان جولامانوۆ. – جانە بولاشاقتا كاسپي الابىنىڭ تىنىشتىعىن كۇزەتۋ ءۇشىن تەك قانا سۋدا جۇزەتىن عانا ەمەس, اۋە كەمەلەرىن دە پايدالاناتىن بولامىز.
ەستەرىڭىزگە سالا كەتسەك, «ورال «زەنيت» زاۋىتى» اق سۋ كەمەلەرىن قۇراستىرۋمەن 1993 جىلدان باستاپ اينالىسىپ كەلەدى. وسى ۋاقىت ارالىعىندا زاۋىت قر ۇقك-ءنىڭ شەكارا قىزمەتىنە ارناپ «سۇڭقار», «بۇركىت», «بارىس» كەمەلەرى مەن جىلدام جۇزەتىن ەكى FC19 كىشى قايىعىن جاساپ شىعاردى. قازىرگى كەزدە بۇل سۋ كولىكتەرى كاسپي تەڭىزىندەگى مەملەكەتتىك شەكارامىزدى قىراعى تۇردە كۇزەتىپ كەلەدى.
سول كۇنى قر ۇقك شەكارا قىزمەتىنىڭ باسشىسى, گەنەرال-لەيتەنانت نۇرلان جولامانوۆ پەن باتىس قازاقستان وبلىسىنىڭ اكىمى نۇرلان نوعاەۆ مەملەكەتتىك قورعانىستىڭ تاپسىرىسى بويىنشا كەزەكتى كەمەنى قۇراستىرىپ سۋعا تۇسىرگەن زاۋىت ۇجىمىن شىن جۇرەكتەن قۇتتىقتادى. الداعى ەڭبەكتەرىنە تولايىم تابىستار تىلەدى.
امانگەلدى الدوڭعار ۇلى,
«ەگەمەن قازاقستان».