«قازاقستان» تەلەراديوكورپوراتسياسى باسشىلىعىنىڭ شەشىمىمەن ەرلان اتامباي «قازاقستان» رترك» اق فيليالى «Kókshe» تەلەارناسىنىڭ ديرەكتورى بولىپ تاعايىندالدى. بۇل تۋرالى ۇلتتىق ارنانىڭ Telegram پاراقشاسى حابارلادى.
ەرلان نۇرباي ۇلى اتامباي تەلەۆيزيا سالاسىندا 20 جىلعا جۋىق ۋاقىتتان بەرى قىزمەت ەتىپ كەلەدى. «قازاقستان» تەلەراديوكورپوراتسياسىنداعى ەڭبەك جولىن 2013 جىلى باستادى. «Qazaqstan» ۇلتتىق تەلەارناسىنىڭ اقپاراتتىق باعدارلامالار ديرەكتسياسىنىڭ باس رەداكتورى, «قازاقستان» رترك» اق ستراتەگيالىق ماركەتينگ دەپارتامەنتى كونۆەرگەنتتىك رەداكتسياسىنىڭ جەتەكشىسى قىزمەتتەرىن اتقاردى. بۇگىنگى تاعايىنداۋعا دەيىن ە.اتامباي «Qazaqstan» ۇلتتىق تەلەارناسىنىڭ اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى قىزمەتىندە بولدى.