داريعا نازارباەۆا جامبىل وبلىسى, قورداي اۋدانىنداعى ورىن العان وقيعادان قايتىس بولعان جانە زارداپ شەككەن جانداردىڭ وتباسىلارى مەن جاقىندارىنا كوڭىل ايتتى, دەپ حابارلايدى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
«قازا بولعانداردىڭ وتباسىلارىنا قايعىرىپ كوڭىل ايتامىن. زارداپ شەككەن جانداردىڭ تەز ساۋىعىپ كەتۋىنە تىلەكشىمىن. قازاقستان حالقى ءۇشىن بەيبىتشىلىك پەن كەلىسىم باستى قۇندىلىق بولىپ تابىلادى. ءبىز بۇگىن قازا بولعان جانداردى قايعىرا ەسكە الا وتىرىپ, قوعام ءۇشىن بەيبىتشىلىك پەن كەلىسىمنەن ماڭىزدى ەشتەڭە جوعىن ەرەكشە تۇسىنەمىز. وسى قۇندىلىقتاردى ءوز ومىرىمىزدەي ساقتاۋ ارقايسىسىمىزدىڭ مىندەتىمىز.
ارانداتۋشىلار مەن توناۋشىلار – ادامداردىڭ قانى مەن قايعىسىنا ءومىر سۇرەتىن قىلمىسكەرلەر. قورداي اۋدانىندا ۇكىمەتتىك كوميسسيامەن بىرگە قر پارلامەنتى سەناتىنىڭ دەپۋتاتتار توبى جۇمىس ىستەۋدە», - دەدى د. نازارباەۆا.