«رۋحاني جاڭعىرۋ» باعدارلاماسى اياسىندا دوستىق ۇيىندە قازاقستاننىڭ «سترۋگۋراش» مولداۆان ەتنومادەني ورتالىعى» قوعامدىق بىرلەستىگىنىڭ ۇيىمداستىرۋىمەن «مەنىڭ وتانىم - قازاقستان» ءداستۇرلى فەستيۆالى ءوتتى.
قوعامدىق كەلىسىم مەن جالپىۇلتتىق بىرلىكتى نىعايتۋ, قازاقستاندىق ەتنوس وكىلدەرىنىڭ مادەنيەتىن ناسيحاتتاۋ, باۋىرلاس حالىقتار اراسىندا ارىپتەستىك بايلانىس ورناتىپ, دوستىق قارىم-قاتىناستاردى ارتتىرۋدى ماقسات ەتەتىن ءداستۇرلى شارا «مەنىڭ وتانىم – قازاقستان» دوڭگەلەك ۇستەلىمەن جالعاسىن تاپتى.
دوڭگەلەك ۇستەلگە جينالعان قاۋىم الدىندا ءسوز سويلەگەن قحا توراعاسىنىڭ ورىنباسارى – حاتشىلىق مەڭگەرۋشىسى ج. تۇيمەباەۆ بۇگىندە قازاق ولكەسىندە تۇرىپ جاتقان مولداۆان حالقىنىڭ تاريحىمەن قاتار, تاۋەلسىز قازاقستاننىڭ دامۋىنداعى ۇلەسى تۋرالى ايتىپ ءوتتى. «بيىلعى جىل عۇلاما عالىم ءال-ءفارابيدىڭ تۋعانىنا – 1150 جىل, ۇلى ابايدىڭ 175 جىلدىعى, قازاقستان رەسپۋبليكاسىنىڭ كونستيتۋتسياسىنا جانە قازاقستان حالقى اسسامبلەياسىنا 25 جىل سياقتى ماڭىزدى شارالارمەن ەرەكشەلەنەدى. مەملەكەت باسشىسى ق.توقاەۆ وسى شارالاردىڭ مەملەكەتتىك دەڭگەيدە اتالىپ وتەتىنىن ءارى وسى شارالاردى وتكىزۋدە اسسامبلەيانىڭ ۇلەسى زور ەكەندىگىن اتاپ ءوتتى. ال مولدوۆان ەتنومادەني فەستيۆالى وسى ايتۋىلى شارالارمەن تۇسپا-تۇس كەلىپ وتىر», دەدى ءوز سوزىندە ج.تۇيمەباەۆ. سونداي-اق, ءىى دۇنيەجۇزىلىك سوعىس جىلدارىندا مولداۆيانى ازات ەتۋدەگى بەس قاھارمان قازاقتىڭ ەرلىگى تۋرالى ايتىپ وتكەن ج.تۇيمەباەۆ ولاردىڭ ىشىندە قاناش قامزين ەسىمىنە ەرەكشە توقتالدى. بۇگىندە انەني نوي اۋدانى گۋرا-بىكۋلۋي اۋىلىندا كەڭەس وداعىنىڭ باتىرى قاناش قامزينگە مەموريالدىق تاقتا ورناتىلعان.
قازاقستان جەرىنە مولداۆانداردىڭ العاش كەلۋى حح عاسىردىڭ 20-شى جىلدارىمەن تۇستاس كەلەدى. مولداۆان حالقى وكىلدەرى 1942 جىلدىڭ مامىر ايىنا اقتوبە وبلىسىنا – 481, قازىرگى اتىراۋ وبلىسىنا – 1295, باتىس قازاقستان وبلىسىنا – 684, بارلىعى - 2460 ادام كۇشتەپ قونىستاندى. قازىرگى كەزدە قازاقستاندا 14 مىڭ مولودوۆان بولسا, ولاردىڭ 2,4 مىڭى قاراعاندى, 1,6 مىڭى اقمولا, 1,4 مىڭى اقتوبەدە, 3 مىڭى الماتىدا تۇرادى.
قازاقستان مولداۆاندارىنىڭ ءومىر-سالتىنا, ەلىمىز دامۋىنا قوسقان ۇلەسى جايىنا توقتالعان «سترۋگۋراش» مولداۆان مادەني ورتالىعى» قوعامدىق بىرلەستىگىنىڭ ءتورايىمى ت.ن.ەلگەلديەۆا ءوزىنىڭ قازاق وتباسى تۋرالى ايتىپ ءوتىپ, ۇلتارالىق تاتۋلىق, ىنتىماقتاستىق ماسەلەسىن ءسوز ەتتى.
بۇگىندە ەلىمىزدىڭ قورعانىس سالاسىنا ماماندار دايارلاۋعا ۇلەس قوسىپ جۇرگەن اسكەري-اۋە كۇشتەرىنىڭ بۇرىنعى قولباسشىسى, اۆياتسيا گەنەرال-مايورى, اسكەري ۇشقىش-سنايپەر ا.ت.ستارىش قازاقستانعا كەلۋ تاريحىنان باستاپ, بۇگىنگى ەلدىڭ دامۋىنداعى قىزمەت بارىسىنا توقتالدى. قازاقستاننىڭ اسكەري اۋە كۇشتەرىنىڭ ەلىمىزدىڭ بەيبىت اسپانىن قورعاۋداعى الەۋەتى, حالىقارالىق بايلانىستار مەن ماماندار دايارلاۋ ماسەلەسىنە دە توقتالدى.
مەرەكەلىك شارادا قازاقستان رۋمىن-مولداۆان قاۋىمداستىعىنىڭ قۇرمەتتى توراعاسى ۆ.ا.ۆاسيلەۆ, «نايري» ارميان مادەني ورتالىعى قاۋىمداستىعىنىڭ توراعاسى ا.م.كاراپەتيان, الماتى قحا توراعاسىنىڭ ورىنباسارى ك.ۆ.مامسۋروۆ, «احىسكا» تۇرىك ورتالىعى توراعاسىنىڭ ورىنباسارى ق.ت.قاسىموۆ ءسوز سويلەپ, مولداۆان حالقىنىڭ تاۋەلسىز قازاقستاننىڭ دامۋ جولىنداعى ەرەن ەڭبەگى, ىقىلاستى پەيلىن جارقىن مىسالدارمەن ءوربىتتى.
مادەني فەستيۆال «ادەبي الەم: ادامدار, وقيعالار, فاكتىلەر» كىتاپتار كورمەسىن مەن ەڭبەك سىڭىرگەن ونەر قايراتكەرى ميحايل گروزانىڭ جەكە ساندىك-قولدانبالى ونەر بۇيىمدارىنىڭ جەكە كورمەسىن, سونداي-اق شىعارماشىلىق ۇجىمداردىڭ كونتسەرتىمەن جالعاسىن تاپتى.
الماتى