پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا تسيفرىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ ء«بىلىم بەرۋدى تسيفرلاندىرۋ» مەملەكەتتىك باعدارلاماسىنىڭ جۇزەگە اسىرىلۋ بارىسى تۋرالى باياندادى.
«تسيفرلىق قازاقستان» باعدارلاماسىنىڭ ءبىرىنشى باعىتى — ادامي كاپيتالدى دامىتۋ بويىنشا بۇگىندە بەلگىلى ءبىر جەتىستىكتەرگە قول جەتكىزىلگەن.
ەلىمىزدىڭ بارلىق مەكتەپتەرى كومپيۋتەرمەن جابدىقتالعان. مەكتەپتەردىڭ 93%-ى ينتەرنەت جەلىسىنە قوسىلعان.
جوعارى ءبىلىم بەرۋدە 2019-2020 وقۋ جىلىنا اكت باعىتى بويىنشا 19 مىڭعا جۋىق گرانت ءبولىندى.
بۇدان وزگە, 2019 جىلى Astana Hub بازاسىندا اlem-i باعدارلامالاۋ مەكتەبى جانە Astana IT ۋنيۆەرسيتەتى اشىلدى. ول جەردە جاڭا بۋىن ماماندارى دايىندالادى.
سونداي-اق حالىقتىڭ تسيفرلىق ساۋاتىن اشۋ كۋرستارى تۇراقتى تۇردە وتكىزىلۋدە. سونىڭ ناتيجەسىندە تسيفرلىق ساۋاتتىلىق دەڭگەيى 79%-دان استى.
2020 جىلدان باستاپ باعدارلامالاۋ نەگىزدەرىن وقىتۋ 1-سىنىپتان باستاپ ەنگىزىلەدى. الماتى قالاسىندا ەكىنشى اlem-i باعدارلامالاۋ مەكتەبىن جانە احقو بازاسىندا نۇر-سۇلتاندا QWASAR باعدارلامالاۋ مەكتەبىن اشۋ جوسپارلانعان. وسىلايشا, حالىقتىڭ تسيفرلىق ساۋاتتىلىق دەڭگەيىن 80%-عا دەيىن جەتكىزۋ كوزدەلگەن.
سونداي-اق ا. جۇماعاليەۆ اتاپ وتكەندەي, دەنساۋلىق ساقتاۋدى تسيفرلاندىرۋ سالاسىندا اۋقىمدى جۇمىستار اتقارىلۋدا, وڭ ناتيجەلەر بار. بۇگىنگى تاڭدا ەمدەلۋشىلەر جانە دارىگەرلەردىڭ ۋاقىتى 50%-عا ۇنەمدەلدى.
جالپى, ءدارى-دارمەك سالاسىندا تسيفرلاندىرۋ ەسەبىنەن 23 ملرد تەڭگەگە جۋىق تيىمدىلىك بەلگىلەنگەن.
وسى جىلى اۋداندىق دەڭگەيگە دەيىن ەمحانالاردى كومپيۋتەرمەن 100% قامتۋ جوسپاردا بار. ال مەديتسينالىق مەكەمەلەردى اقپاراتتىق جۇيەلەرگە قوسۋ 93%-عا جەتەدى.