الماتىداعى قازاق كولىك جانە كوممۋنيكاتسيا اكادەمياسىندا Tukeshov Boxing Promotion كومپانياسىنىڭ ۇيىمداستىرۋىمەن كاسىپقوي بوكس كەشى ءوتتى.
ايتۋلى جارىستاعى بەس جەكپە-جەكتىڭ تورتەۋى مەرزىمىنەن بۇرىن اياقتالدى. اتاپ ايتساق, ايدوس مەدەت ەرسۇلتان ارىنبەكتى ءبىرىنشى راۋندتا ەكى رەت نوكداۋنعا جىبەرگەننەن كەيىن تورەشى كەزدەسۋدى توقتاتتى.
قاناعات مانات ۇلى مەن تورەحان كەڭەسوۆ اراسىنداعى باسەكەنىڭ دە تاعدىرى العاشقى مينۋتتاردا شەشىلدى. قارسىلاسىن ەكى رەت بۇيىردەن ءدال ۇرعان قاناعات ايقىن جەڭىسكە قول جەتكىزدى.
راحات سەيىتجان مەن تالعات بەرتىلەۋوۆتىڭ ايقاسى ۇزاققا سوزىلمادى. باسەكە بەل ورتاعا جەتپەي جاتىپ, تالعات ەكى مارتە ەسەڭگىرەدى. تورەشى راحاتتىڭ قولىن كوتەردى.
اقنيەت قازيەۆتىڭ جاراقات الۋىنا بايلانىستى تەمىرلان قوڭىرباي ءوزىنىڭ تۇساۋكەسەر كەزدەسۋىن جەڭىسپەن اياقتادى. ال سابىربەك احمەتوۆ پەن رەسەيلىك ەۆگەني تەرشۋكوۆتىڭ تارتىسى ۇپاي سانىمەن قازاق بوكسشىسىنىڭ پايداسىنا شەشىلدى.
وسىنداي بوكس باسەكەلەرىن ۇيىمداستىرۋداعى ءبىزدىڭ باستى ماقسات – كاسىپقوي رينگتە العاشقى قادامدارىن جاساپ جۇرگەن جاستارعا جول اشۋ. سولاردىڭ اراسىنان دارىندى جانە جالىندى جىگىتتەردى ىرىكتەپ الىپ, كەلەشەكتە ءدۇبىرلى دودالارعا قوسۋ, – دەيدى Tukeshov Boxing Promotion كومپانياسىنىڭ باسشىسى جالعاس تۇكەشوۆ.