بۇگىن دەپارامەنت پەن مۇنايلى اۋدانى اكىمدىگىنىڭ باستاماسىمەن جانە جەكە كاسىپكەر ەربولات ايتجانوۆتىڭ قولداۋىمەن مۇنايلى اۋدانى «باسقۇدىق» ساۋدا ورتالىعىندا وزىنە-ءوزى قىزمەت كورسەتۋ بۇرىشى مەن «تۇرعىن ءۇي قۇرىلىس جيناق بانكى» اق قىزمەت كورسەتۋ بۇرىشىنىڭ اشىلۋ سالتاناتى ءوتتى. بۇل تۋرالى مەملەكەتتىك قىزمەت ىستەرى اگەنتتىگى ماڭعىستاۋ وبلىسى بويىنشا دەپارتامەنتىنىڭ ءباسپاسوز قىزمەتى حابارلادى.
شاراعا مۇنايلى اۋدانىنىڭ اكىمى ر.ەلتيزاروۆ, مەملەكەتتىك قىزمەت ىستەرى اگەنتتىگىنىڭ مەملەكەتتىك كورسەتىلەتىن قىزمەتتەر دەپارتامەنتىنىڭ مەملەكەتتىك قىزمەت كورسەتۋ ساپاسىن باعالاۋ جانە باقىلاۋ باسقارماسىنىڭ باسشىسى م.بايسالوۆ, دەپارتامەنت باسشىسى ن.جاننازاروۆا, «قازاقستان تۇرعىن ءۇي قۇرىلىس جيناق بانكى» اق ماڭعىستاۋ وبلىسى بويىنشا فيليالىنىڭ ديرەكتورى م.ابۋگاليەۆ جانە وزگە تۇلعالار قاتىستى.
ەندى اۋداندىق ساۋدا ورتالىعىنا كەلۋشىلەر حالىققا قىزمەت كورسەتۋ ورتالىعىنا بارماي-اق, وسى جەردەن بىرقاتار قاجەتتى قىزمەت تۇرلەرىن الا الادى.
كورسەتىلەتىن قىزمەتتەردى اتاپ ايتقاندا, زەينەتاقى قورى سالىمشىسى قاراجاتىنىڭ ءتۇسۋى تۋرالى اقپارات, جىلجىمايتىن مۇلكى بار جوعى تۋرالى انىقتاما, نەسيە تاريحى تۋرالى جانە ت.ب. قىزمەت تۇرلەرىن ەتسق نەمەسە ءبىر رەتتىك قۇپياسوز ارقىلى الا الادى.
بۇل جاعدايدا, قىزمەت الۋشىلاردىڭ ۋاقىتتارى مەن جول شىعىندارى ۇنەمدەلىپ, تسيفرلىق ساۋاتتىلىعى ارتا تۇسەدى دەگەن سەنىمدەمىز.
ايتا كەتۋ قاجەت, بۇگىنگى كۇنگە دەيىن وبلىس بويىنشا 400-گە جۋىق قىزمەت كورسەتۋ بۇرىشتارى اشىلدى. ال مۇنايلى اۋدانىندا بۇل ەسەپ بويىنشا 42-ءشى قىزمەت كورسەتۋ بۇرىشى.