دزيۋدودان ءيزرايلدىڭ تەل-اۆيۆ قالاسىندا وتكەن جىلدىڭ شىمىلدىق اشار گران-پري جارىسىندا قازاقستاندىق سپورتشىلار ەل قورجىنىنا ءبىر عانا جۇلدە سالدى.
بايراقتى باسەكەنىڭ العاشقى كۇنىندە تەل-اۆيۆ تاتاميىنە شىققان 66 كيلوداعى ەرلان سەرىكجانوۆ ءتۋرنيردىڭ فينالىنا دەيىن جەتكەن بولاتىن. وكىنىشكە قاراي, باس جۇلدە ءۇشىن وتكەن بەلدەسۋدە وڭتۇستىك كورەيا وكىلى, الەم جانە ازيا ويىندارىنىڭ جەڭىمپازى, وليمپيا ويىندارىنىڭ كۇمىس جۇلدەگەرى ان باۋلدان «يپپونمەن» جەڭىلىپ, كۇمىس مەدالدى قاناعات تۇتتى.
گران-پري جارىسىنا قازاقستان قۇراماسىنان 20 دزيۋدوشى قاتىسقان بولسا, 19 بالۋانىمىز ىرىكتەۋ باسەكەسىنەن ءارى اسا المادى. ەندى وتانداستارىمىز اقپان ايىنىڭ 8-9 كۇندەرى پاريجدە وتەتىن گراند-سلەم دوداسىندا باق سىنايدى.