2013 جىلعى 15 اقپان استانا, ۇكىمەت ءۇيى
«ۆەتەريناريا سالاسىنداعى نورماتيۆتىك قۇقىقتىق كەسىمدەردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 28 ساۋىردەگى №407 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ۆەتەريناريا سالاسىنداعى نورماتيۆتىك قۇقىقتىق كەسىمدەردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 28 ساۋىردەگى № 407 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., № 18, 185-قۇجات) مىناداي وزگەرىستەر مەن تولىقتىرۋلار ەنگىزىلسىن:
1) كورسەتىلگەن قاۋلىمەن بەكىتىلگەن جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلار, جانۋارلاردان الىناتىن ونىمدەر مەن شيكىزاتتاردى مىندەتتى تۇردە الىپ قويۋ جانە جويۋ نە ولاردى الىپ قويماي مىندەتتى تۇردە زالالسىزداندىرۋ (زارارسىزداندىرۋ) جانە قايتا وڭدەۋ ەرەجەسىندە:
3-تارماق مىناداي رەداكتسيادا جازىلسىن:
«3. جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتاردى مىندەتتى تۇردە الىپ قويۋ جانە جويۋ جەكە جانە زاڭدى تۇلعالارعا ولاردىڭ قۇنىن وتەي وتىرىپ, قازاقستان رەسپۋبليكاسىنىڭ ۇكىمەتى بەكىتەتىن جانۋارلارعا جانە ادامدار دەنساۋلىعىنا ەرەكشە قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتاردى مىندەتتى تۇردە الىپ قويۋ جانە جويۋ جۇرگىزىلەتىن جانۋارلاردىڭ ەرەكشە قاۋىپتى اۋرۋلارىنىڭ تىزبەسىنە سايكەس جۇرگىزىلەدى.»;
مىناداي مازمۇنداعى 3-1, 3-2-تارماقتارمەن تولىقتىرىلسىن:
«3-1. جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلاردى الىپ قويۋ جانە جويۋ تۋرالى قاۋلىنى اۋرۋدىڭ بار ەكەنىن راستايتىن ۆەتەريناريالىق زەرتحانا ساراپتاماسىنىڭ اكتىسى نەگىزىندە قازاقستان رەسپۋبليكاسىنىڭ باس مەملەكەتتىك ۆەتەريناريالىق-سانيتاريالىق ينسپەكتورى قابىلدايدى.
قازاقستان رەسپۋبليكاسىنىڭ باس مەملەكەتتىك ۆەتەريناريالىق-سانيتاريالىق ينسپەكتورى قابىلدايتىن جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلاردى الىپ قويۋ جانە جويۋ تۋرالى قاۋلى ۋاكىلەتتى ورگان ۆەدومستۆوسىنىڭ ءتيىستى اۋماقتىق بولىمشەسىنە جانە ەرەكشە قاۋىپتى اۋرۋمەن اۋىرعان جانۋارلاردى الىپ قويۋدى جانە جويۋدى جۇزەگە اسىراتىن مەملەكەتتىك ۆەتەريناريالىق ۇيىمعا ءتيىستى شارالار قابىلداۋ ءۇشىن دەرەۋ جەتكىزىلەدى.
3-2. جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلاردان الىناتىن ونىمدەر مەن شيكىزاتتاردى الىپ قويۋ جانە جويۋ تۋرالى قاۋلىنى ۆەتەريناريالىق زەرتحانا ساراپتاماسىنىڭ اكتىسى نەگىزىندە ءتيىستى اكىمشىلىك-اۋماقتىق بىرلىكتىڭ باس مەملەكەتتىك ۆەتەريناريالىق-سانيتاريالىق ينسپەكتورى قابىلدايدى.»;
4-تارماق مىناداي رەداكتسيادا جازىلسىن:
«4. جانۋارلارعا جانە ادام دەنساۋلىعىنا قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتاردى مىندەتتى تۇردە الىپ قويۋعا جانە جويۋعا بايلانىستى ماسەلەلەردى شەشۋ ءۇشىن وسى ەرەجەنىڭ 3-1 جانە (نەمەسە) 3-2-تارماقتارىنا سايكەس قابىلدانعان قاۋلىلار نەگىزىندە ۆەتەريناريا سالاسىنداعى ۋاكىلەتتى مەملەكەتتىك ورگان ۆەدومستۆوسىنىڭ ءتيىستى اۋداندىق (قالالىق) اۋماقتىق بولىمشەسىنىڭ بۇيرىعىمەن جەرگىلىكتى اتقارۋشى ورگانداردىڭ, مەملەكەتتىك سانيتاريالىق-ەپيدەميولوگيالىق قىزمەت ورگانىنىڭ, مەملەكەتتىك ۆەتەريناريالىق ۇيىمنىڭ وكىلدەرىنەن, ءتيىستى اۋماقتىڭ مەملەكەتتىك ۆەتەريناريالىق-سانيتاريالىق ينسپەكتورىنان تۇراتىن كوميسسيا قۇرىلادى.»;
2) كورسەتىلگەن قاۋلىمەن بەكىتىلگەن الدىن الۋى, دياگنوستيكاسى جانە جويىلۋى بيۋدجەت قاراجاتى ەسەبىنەن جۇزەگە اسىرىلاتىن جانۋارلاردىڭ ەرەكشە قاۋىپتى اۋرۋلارىنىڭ تىزبەسىندە:
ءبىرىنشى ابزاتس مىناداي رەداكتسيادا جازىلسىن:
«جانۋارلاردىڭ بىرنەشە تۇرىنە ورتاق اۋرۋلار - قۇتىرۋ, برۋتسەللەز, اۋەسكي اۋرۋى, لەيكوز, لەپتوسپيروز, ليستەريوز, پاستەرەللەز, توپالاڭ (تەرى شيكىزاتىنىڭ اسكوليزاتسياسىنان باسقا), تۋبەركۋلەز, اۋسىل, كۇل, ەكينوكوككوز, پاراتۋبەركۋلەز, توكسوپلازموز, تريحوفيتيا, ريككەتسيوزدار, تۋليارەميا, اۋىز ۋىلۋى (ەكزوتيكالىق اۋرۋ), شماللەنبەرگ اۋرۋى جانە باسقا ەكزوتيكالىق اۋرۋلار.».
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى
س.احمەتوۆ.