نۇر-سۇلتان قالاسىنىڭ ءار اۋدانىنىڭ وزىنە تيەسىلى 4 قار پوليگونى بار. بۇل پوليگوندارعا ءىرى مەكەمەلەر, قۇرىلىس دۇكەندەرى, ويىن-ساۋىق ورتالىقتارى, جەكە مەنشىك مەكەمەلەر قار شىعارا الادى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
بۇگىندە قالاداعى ەكى پوليگون قارعا تولىپ, ورنىنا باسقا ەكى پوليگون اشىلدى. الدىڭعى جىلمەن سالىستىرعاندا وسى جىلى 46,2%-عا قار كوپ شىعارىلعانىن ايتا كەتكەن ءجون.
جالپى وسى ۋاقىتقا دەيىن 1 917 830 تەكشە مەتر قار قالا سىرتىنا توگىلدى (159 819 رەيس). ەلوردانىڭ كوممۋنالدىق مەكەمەلەرى قار شىعارۋ جۇمىستارىن 3 اۋىسىمدا كۇشەيتىلگەن رەجيمدە اتقارىپ جاتىر.