ۆولەيبول. كەشە يتاليانىڭ مونتيكياري قالاسىندا ۆولەيبولدان ايەلدەر اراسىنداعى ءححى الەم گران-پري جارىسى باستالدى.
بۇل سىنعا «ە» توبىندا ءبىزدىڭ ۇلتتىق قۇراما دا قاتىسادى. الەكساندر گۋتور جاتتىقتىراتىن كوماندا العاشقى ويىنىن گەرمانيا كومانداسىمەن وتكىزەدى. ودان كەيىن الاڭ يەلەرىمەن, ال جەكسەنبىدە ارگەنتينا ۆولەيبولشىلارىمەن كۇش سىناسادى.
ۆولەيبول. كەشە يتاليانىڭ مونتيكياري قالاسىندا ۆولەيبولدان ايەلدەر اراسىنداعى ءححى الەم گران-پري جارىسى باستالدى.
بۇل سىنعا «ە» توبىندا ءبىزدىڭ ۇلتتىق قۇراما دا قاتىسادى. الەكساندر گۋتور جاتتىقتىراتىن كوماندا العاشقى ويىنىن گەرمانيا كومانداسىمەن وتكىزەدى. ودان كەيىن الاڭ يەلەرىمەن, ال جەكسەنبىدە ارگەنتينا ۆولەيبولشىلارىمەن كۇش سىناسادى.
باسكەتبول. قازاقستاننىڭ ەرلەر قۇراماسى فيليپپيندە ءوتىپ جاتقان ازيا چەمپيوناتىندا العاشقى جەڭىسىنە جەتتى.
ءبىزدىڭ قۇراما تايلاندپەن كەزدەسىپ, 81:67 ەسەبىمەن ۇتتى. بۇل ويىندا بىزگە تاي كومانداسىمەن ويناۋ اسا قيىن بولعان جوق. كەزدەسۋدىڭ العاشقى بولىگى 42:33 ەسەبىمەن قازاقستاندىقتار پايداسىنا شەشىلدى. تايلاند جىگىتتەرى ويىننىڭ ءۇشىنشى جانە ءتورتىنشى كەزەڭدەرىندە ەسەپتى تەڭەستىرۋگە تىرىسقانىمەن, ناتيجە شىعارا المادى.
كەشە كەشكىسىن جەرلەستەرىمىز باحرەين كومانداسىمەن وينادى.
فۋتبول. «اقتوبە» ءوز الاڭىندا يسلانديانىڭ «برەيدابليك» كومانداسىن جەڭگەننەن كەيىن قازاقستان ۋەفا-نىڭ كلۋبتىق رەيتينگىسى بويىنشا 35 ورىنعا كوتەرىلدى.
قازىر قازاقستان مەن بوسنيا جانە گەرتسوگوۆينانىڭ جيناعان ۇپايلارى – 7.500. الايدا, بوسنيانىڭ «شيروكي بريەگى» ءوز الاڭىندا يتاليانىڭ «ۋدينەزە» كومانداسىنا 1:3 ەسەبىمەن ەسە جىبەردى. ءسويتىپ, قازاقستان ۋەفا كورسەتكىشى بويىنشا بوسنيا جانە گەرتسوگوۆينانى باسىپ وزدى.
رەيتينگىدە يسپانيا, انگليا, گەرمانيا كوماندالارى كوش باستاسا, تمد ەلدەرىنىڭ ىشىنەن رەسەي – سەگىزىنشى, ۋكراينا توعىزىنشى ورىنداردا تۇر.
ەركىن كۇرەس. يسپانيانىڭ مادريد قالاسىندا ەركىن كۇرەستەن وتكەن گران-پري تۋرنيرىندە قازاقستان بالۋاندارى ايدار بالدانباەۆ پەن تەيمۋراز تيگيەۆ قولا جۇلدەنى جەڭىپ الدى.
ايدار 74 كيلوعا دەيىنگى سالماقتا اۆستريالىق جانە سلوۆاكيالىق قارسىلاستارىن ۇتسا, تەيمۋراز 120 كيلو سالماققا دەيىنگى سىندا كانادالىق كورەيا دجارۆازادان باسىم ءتۇستى. وسى ناتيجەمەن قازاقستان قۇراماسى تۋرنيردەگى قاتىسقان 20 ەلدىڭ اراسىندا جالپىكوماندالىق ەسەپتە جەتىنشى ورىنعا تۇراقتادى.
ۆەلوسپورت. «استانا» كومانداسى گوللانديا چەمپيوندارى ليۋۆا ۆەسترا جانە فرانكو پەلليتسوتتيمەن كەلىسىم-شارتقا وتىردى.
«Astana Pro Team» كومانداسىنىڭ باس مەنەدجەرى الەكساندر ۆينوكۋروۆتىڭ ايتۋىنشا, گوللانديانىڭ جەكەلەگەن جارىستارىنداعى بيىلعى چەمپيونى ليۋۆا ۆەسترا كەلەسى جىلى ۆينچەنتسو نيباليعا «تۋر دە فرانس» كوپكۇندىگىندە كومەكشى بولا الادى. «بىلتىر ۆەسترا كاليفورنيا تۋرى مەن دانيا تۋرىن جەڭدى. سوندىقتان وعان ابدەن سەنۋگە بولادى», دەدى ول. ال پەلليتسوتتي تۋرالى ۆينوكۋروۆ ونىڭ تاجىريبەلى ۆەلوشاباندوز ەكەنىن, كەلەسى جىلى ونىڭ دا كومانداعا كوپ كومەكتەسەتىنىن ايتتى.
كوماندا, سونداي-اق, 2015 جىلعا دەيىن دميتري مۋراۆەۆ, بورۋت بوزيچ, فرانچەسكو گاۆاتستسي جانە پاولو تيرالونگومەن, 2016 جىلعا دەيىن فابيو ارۋمەن كەلىسىمشارتىن ۇزارتتى.
«ەگەمەن-اقپارات».