پرەزيدەنتتىك جاستار كادر رەزەرۆىنىڭ وكىلى نۇربەك سەرىكوۆ «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما توراعاسىنىڭ ورىنباسارى لاۋازىمىنا تاعايىندالدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
نۇربەك نۇرجان ۇلى سەرىكوۆ 1989 جىلى قاراعاندى وبلىسى بالقاش قالاسىندا دۇنيەگە كەلگەن. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, سولتۇستىك ورال مەملەكەتتىك اگرارلىق ۋنيۆەرسيتەتىن (تيۋمەن ق.) جانە پرەزيدەنت جانىنداعى مەملەكەتتىك باسقارۋ اكادەمياسىن بىتىرگەن.
ەڭبەك جولىن 2012 جىلى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى تۇرعىن ءۇي قۇرىلىسى دەپارتامەنتىنىڭ تۇرعىن ءۇي قۇرىلىسى باعدارلاماسىن ىسكە اسىرۋ باسقارماسىنىڭ ساراپشىسى قىزمەتىندە باستاعان.
2013 جىلدان 2019 جىلعا دەيىن ينۆەستيتسيالار جانە دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ سۋمەن جابدىقتاۋ جانە سۋ بۇرۋ باسقارماسىنىڭ ءتۇرلى قىزمەتتەرىندە جۇمىس ىستەدى.
2019 جىلدىڭ مامىرىنان باستاپ يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى كوممۋنالدىق شارۋاشىلىق باسقارماسىنىڭ باسشىسى بولىپ جۇمىس ىستەدى.
ايتا كەتۋ كەرەك, پرەزيدەنتتىڭ تاپسىرماسى بويىنشا پرەزيدەنتتىك جاستار كادر رەزەرۆىنە ەنگەن ۇمىتكەرلەر مەملەكەتتىك قىزمەتتىڭ اكىمشىلىك جانە ساياسي لاۋازىمدارىنا, كۆازيمەملەكەتتىك سەكتوردىڭ باسشىلىق پوزيتسيالارىنا تاعايىندالاتىن كەزدە قارالادى.
پرەزيدەنتتىك جاستار كادر رەزەرۆىن قۇرۋ قاجەتتىگىن پرەزيدەنت قاسىم-جومارت توقاەۆ ءوزىنىڭ سايلاۋالدى باعدارلاماسىندا اتاپ ءوتتى. سول كەزدە مەملەكەت باسشىسى رەزەرۆ جاستار ءۇشىن ءتيىمدى الەۋمەتتىك ليفت بولۋى ءتيىس ەكەنىن اتاپ ءوتتى.