بيىلعى 31 شىلدە كۇنى فرانتسيانىڭ لازۋر جاعالاۋىنداعى مۋان-سارتۋ ەلدى مەكەنىندە قازاقستاندىق بانكير مۇحتار ءابىلازوۆ قولعا ءتۇستى. مۇنىڭ جايىن «ەكسپرەسس ك» گازەتى بۇگىن كەڭەيتىڭكىرەپ جازىپ وتىر.
شەتەلدىك باق وكىلدەرىنىڭ حابارلاۋىنشا, ءابىلازوۆتى تۇتقىنداۋ كەزىندە ودان ورتالىق افريكا رەسپۋبليكاسىنىڭ ازاماتى مارات اياننىڭ اتىنا بەرىلگەن پاسپورت تاركىلەنگەن ەكەن. جاقىن ارادا ونىڭ اباقتىدا قالۋ نەمەسە ەكستراديتسيالانۋ ماسەلەلەرى شەشىلەدى دەپ كۇتىلۋدە.
بانكيردى تەك ءبىزدىڭ ەلىمىزدىڭ قۇقىق قورعاۋ ورگاندارى عانا ىزدەستىرىپ جاتقان جوق. ونى تەرگەۋگە رەسەي مەن ۋكراينا دا قىزىعۋشىلىق ءبىلدىرىپ وتىر. ازىرگە قازاقستان مەن فرانتسيا اراسىندا ەكستراديتسيا جونىندە كەلىسىم جوق. سوندىقتان دا ءابىلازوۆ رەسەي مەن ۋكراينانىڭ بىرىنە جەتكىزىلىۋ مۇمكىن. ال سوت پروتسەسى نەگىزىنەن بانكيردى ۋكرايناعا ەكستراديتسيالاۋ ماسەلەسىن قاراستىرىپ وتىرعان كورىنەدى.
ريا «نوۆوستي» اگەنتتىگى حابارلاعانداي, مۇحتار ءابىلازوۆتى قۇرىقتاۋ ونىڭ تانىسى ەلەنا تيششەنكونىڭ ىزىنە ءتۇسۋ ارقىلى جۇزەگە اسىرىلىپتى. ەلەنا – ءابىلازوۆتىڭ ۋكراينالىق ارىپتەسى سەرگەي تيششەنكونىڭ بۇرىنعى ايەلى. ول لوندوندا وتكەن سوت وتىرىسىنان فرانتسياعا قايتا ورالعاننان كەيىن باقىلاۋعا الىنعان ەكەن.
ايدار ورىسباەۆ.