ەۋروپا ليگاسىنىڭۇشىنشى ىرىكتەۋ كەزەڭىنىڭاياسىندا «اقتوبە» كلۋبى ءوز الاڭىندا يسلانديالىق«برەيدابليك» كومانداسىمەن كەزدەسىپ, 1:0 ەسەبىمەن جەڭىسكە جەتتى.
«اقتوبە» — «برەيدابليك» (كوۋپاۆوگيۋر, يسلانديا) 1:0
اقتوبە. «ورتالىق». 13500 كورەرمەن.
باس تورەشى: ليبور كوۆارجيك (چەحيا).
«اقتوبە»: سيدەلنيكوۆ, مۋلداروۆ, بادلو, پرايمۋس, ارزۋمانيان (كەنجەساريەۆ, 61), لوگۆينەنكو, حارابارا, حايرۋللين, كوۆالچۋك (گەينريح, 73), كاپادزە, داۆىدوۆ (گريدين, 79).
«برەيدابليك»: گۋننلەيفسسون, ترووست, ينگاسون, ك.يونسسون, مارگەيرسسون, حرەيدارسسون, ليدسسون (ەليسابەتارسون, 79), گاردارسسون (ە.سيگۋردسسون , 64), يەومان, روحدە, حرەينسسون (ۆيليالمسسون, 87).
گول: حايرۋللين (90, پەنالتي).
كەزدەسۋدە «اقتوبە» بارلىق جاعىنان باسىمدىق تانىتتى. ويىننىڭ ءبىرىنشى مينۋتىنان باستاپ سالعان بەتتەن شابۋىلعا شىعىپ, قارسىلاستار قاقپاسىنا قاۋىپتى جاعدايلار جاساپ وتىردى. 5 مينۋتتا سەرگەي داۆىدوۆ قاقپاشىمەن بىرگە-ءبىر شىعىپ, ايلاسىن اسىرا المادى. ول قاقپاشىنىڭ قولىنا دوپتى تيگىزىپ, قولدا تۇرعان مۇمكىندىكتى جىبەرىپ قويدى. بۇدان كەيىن دە ءبىرىنشى تايمدا الاڭ يەلەرى بىرنەشە مۇمكىندىكتەر بولعان. الايدا, «برەيدابليكتىڭ»قورعانىسى«اقتوبەگە» گول سوعۋعا ەشقانداي مۇمكىندىك بەرمەدى.
وسى كەزدەبىز ءوزىمىز الەۋمەتتىك جەلىدە وتىرعانىمىزدا, «اقتوبەنىڭ» بۇرىنعى ويىنشىسى سامات سىماقوۆتىڭ «Twitter» الەۋمەتتىك جەلىسىندەگى پاراقشاسىندا: «كەزدەسۋدە كەنجەساريەۆ پەن گەينريح جەتىسپەي جاتىر» دەگەنىنە كوزىمىز شالىپ قالدى. شىنىمەن سامات ايتقانداي, ءبىرىنشى تايمدا الاڭ يەلەرىنە وسى ەكەۋى جەتىسپەي جاتقانداي سەزىلىپ تۇردى. «اقتوبە» قانشاما رەت شابۋىل جاساعانىمەن, كەنجەساريەۆتىڭ الىستان بەرەتىن ادەمى پاستارى, گەينريحتىڭ ورتالىق الاڭداعى ويىنى جەتىسپەي جاتقانداي-اق بولدى. «اقتوبەنىڭ» باس جاتتىقتىرۋشىسى ۆلاديمير نيكيتەنكو سونى ءوزى سەزگەندەي, ەكەۋىن دە ەكىنشى تايمعا شىعاردى. كەنجەساريەۆ 61-مينۋتتا ارزۋمانياندى الماستىرسا, گەينريح كوۆالچۋكتىڭ ورنىنا 73-مينۋتتا شىقتى. وسىدان كەيىن ەميل كەنجەساريەۆتىڭ الاڭعا شىعۋىمەن «اقتوبەنىڭ» شابۋىلى ودان سايىن كۇشەيە ءتۇستى. سونداي ساتتەردىڭ بىرىندە چەح تورەشىسى «برەيدابليكتىڭ» ايىپ الاڭىندا ويىن ەرەجەسىنىڭ بۇزىلعانىن كورىپ, قوناقتار قاقپاسىنا پەنال تي بەلگىلەدى. بۇل جولى الاڭ يەلەرىنىڭ شتاتتاعى پەنالتيسى مارات ءحايرۋلليننىڭ سوققىسىن گۋننلەيفسسون قايتارا المادى. ەسەپ – 1:0. «اقتوبە» 90 مينۋت بويى جانكۇيەر جۇيكەسىن توزدىرىپ, كوپتەن كۇتكەن جەڭىسىنە جەتتى.
«اقتوبە» مەن «برەيدابليك» اراسىنداعى كەلەسى ويىن 8 تامىز كۇنى يسلانديادا وتەدى. بۇل كەزدەسۋدە «اقتوبە» الاڭ يەلەرىنەن ەكى دوپ ايىرماشىلىعىمەن جەڭىلمەسە, تۇڭعىش رەت ەۋروپا ليگاسىنىڭ توپتىق تۋرنيرىنە قاتىسادى.
داستان كەنجالين.