اتىراۋعا وڭتۇستىك كورەيادان قۋانىشتى حابار كەلىپ جەتتى. كورەيانىڭ چۋن-چون قالاسىندا وتكەن ازيا چەمپيوناتىندا ءبىزدىڭ جەتى جەرلەسىمىز بۇرىن-سوڭدى بولماعان جەتىستىككە جەتىپ, باس جۇلدەنى جەڭىپ الدى.
تاڭعى شىق ەلىندە وتكەن حالىقارالىق سايىسقا اتىراۋدان قاتىسقان 9 تاەكۆوندوشى ەل نامىسىن تابىستى قورعادى. سونىڭ ىشىندە ايدانا ەدىلباەۆا, ايگۇل ەلۋباي, الماس مەللاتوۆ, ءاليحان سەيىتوۆ, جاسۇلان قاناتوۆ, ءمولدىر المۇقاشەۆا مەن اياگوز نىعمەتوۆا ازيا چەمپيونى اتاندى. ال ارايلىم ورازاقوۆا مەن ايتۋار شايكەنوۆ جۇلدەلى ەكىنشى ورىنعا يە بولدى.
ولاردىڭ ءبارىن اتىراۋ قالاسىنداعى №1 بالالار جانە جاسوسپىرىمدەر سپورت مەكتەبىنىڭ تاەكۆوندو ۇيىرمەسىندە ساۋلە سارداروۆا مەن ايسۇلۋ حالامقاليەۆا جاتتىقتىرادى.
بيىل جىل باسىنان بەرى ەلىمىزدىڭ باتىس ءوڭىرى دە وزگە وبلىستار سياقتى سپورتتىق جارىستاردان جەرلەستەرىن قۋانتىپ كەلدى. ءتىل-كوزىمىز تاسقا, ءبىزدىڭ تاعى بىرنەشە جەرلەسىمىزدىڭ جىلدىڭ سوڭىنا دەيىن سپورتتاعى جەتىستىكتەرىمەن قۋانتاتىن ويلارى بار. لايىم بولاي بولعاي! جەڭىس كوبەيسىن!
جولداسبەك شوپەعۇل,
«ەگەمەن قازاقستان».
اتىراۋ وبلىسى.