امەريكانىڭ ءبىر كەزدەرى كولىك جاساۋدىڭ ۇلكەن ورتالىعى بولعان دەترويت قالاسىنان جۇرتتىڭ جاپپاي كەتە باستاۋىنان ۇيلەر قاڭىراپ قالىپ جاتىر. سونىڭ سالدارىنان ولاردىڭ ساتىلۋ قۇنى 1 دوللارعا دەيىن ءتۇسىپ كەتكەن. بۇل تۋرالى Yترو.ru حابارلادى.
ءبىر قىزىعى, باسپاسوزدە جازىلىپ جاتقانداي, قازىر بۇلاردى وسى شارتتى باعاعا دا الۋشىلار تابىلماي جاتقان كورىنەدى. سوندىقتان كوپتەگەن قۇرىلىس نىساندارىن بانكتەر ساتىلىمعا ۇسىنۋدا. ولار وسى ۇيلەردى بەرەشەكتەرى ءۇشىن يەلەرىنەن تارتىپ العان. ەندى ولاردان قايتا قۇتىلا الماي وتىر. سەبەبى, بۇل ۇيلەر ءۇشىن سالىق تولەۋ كەرەك.
ءبىر ايتا كەتەتىنى, دەترويت قالاسىندا جىلجىمايتىن م ۇلىككە سالىناتىن سالىق ەلدەگى ەڭ جوعارعى سالىق بولىپ تابىلادى. اقش-تىڭ اۆتوكولىكتەر استاناسى 40 جىل بۇرىن قۇلدىراي باستادى. سول كەزدە امەريكالىق اۆتوونەركاسىپتىڭ جاعدايى ناشارلاعان ەدى. دەترويتتىڭ بيۋدجەتتىك دەفيتسيتى $380 ملن. قۇرايدى, ال جالپى بەرەشەگى $17 - $20 ملرد. سوماسىنا جەتىپ وتىر. قالا بيلىگى شىلدە ايىنىڭ ورتاسىندا سوتقا دەترويت قالاسىن بانكروت دەپ تانىسىن دەگەن ءوتىنىش جاسادى.
قايرات قوجانازار.