رىسقالي ابدىكەروۆ قاراعاندى وبلىسىندا بولدى

پارلامەنت جوعارعى پالاتاسىنىڭ دەپۋتاتتارى «ارسەلورميتتالتەمىرتاۋ» اق-نىڭ نەگىزگى وبەكتىلەرىندە,  اتاپ ايتقاندا, № 3 دومنا پەشىندە جانە № 1 جالپاق تەمىر تسەحىندا بولعان كەزدە كاسىپورىن قىزمەتىمەن جانە جۇمىسشىلاردىڭ ەڭبەك جاعدايىمەن تانىستى.

كاسىپورىن باسشىلىعىمەن جانە كاسىپوداق ۇيىمىنىڭ وكىلدەرىمەن مازمۇندى اڭگىمە ورىستەدى. جۇزدەسۋ كەزىندە ەڭبەك قاۋىپسىزدىگىن قامتاماسىز ەتۋ, ءوندىرىس قۋاتتىلىعىن جاڭعىرتۋ, ەڭبەكشىلەردىڭ مۇددەلەرىن ىلگەرىلەتۋدەگى كاسىبي وداقتاردىڭ ءرولىن نىعايتۋ ماسەلەلەرى تالقىلاندى. سەنات توراعاسىنىڭ ورىنباسارى ا.شاكىروۆ: «قازىرگى ۋاقىتتا جوعارىدا كورسەتىلگەن مىندەتتەردى ورىنداۋدا, ونىڭ ىشىندە جۇمىسكەرلەردى قۇقىقتىق قورعاۋدى قامتاماسىز ەتۋدەگى, جۇمىس بەرۋشىلەرمەن سىندارلى ديالوگ جۇرگىزۋدەگى كاسىپوداق ۇيىمدارىنىڭ ءرولى جەتكىلىكسىز دەڭگەيدە ەكەنى بايقالىپ وتىر. كاسىپورىنداردا ءجيى ورىن العان اپاتتار پەن جاراقات الۋ جاعدايلارى, سونداي-اق قۇرال-جابدىقتاردىڭ تالاپقا ساي بولماۋى سالدارىنان ءوندىرىس كولەمىنىڭ تومەندەۋى الاڭداۋشىلىق تۋعىزىپ وتىرعانى بەلگىلى» دەپ اتاپ كورسەتتى.

سەنات دەپۋتاتتارى حالىقتىڭ ءال-اۋقاتى قورشاعان ورتاعا تىعىز بايلانىستى ەكەنىنە جانە زياندى شىعارىندىلاردى ازايتۋ جونىندەگى قازىرگى زامانعى تەحنولوگيالاردى ەنگىزۋ جونىندەگى پرەزيدەنت ق.توقاەۆتىڭ قازاقستان حالقىنا جولداۋىندا اتاپ كورسەتىلگەن شارالاردى قابىلداۋ قاجەتتىگىنە كاسىپورىن باسشىلىعىنىڭ نازارىن اۋداردى.

تۇتاستاي العاندا, كاسىپورىندى ورنىقتى دامۋ تراەكتورياسىنا شىعارۋ, ءوندىرىس ولشەمدەرى مەن باسەكەگە قابىلەتتىلىگىن جاقسارتۋ, تەمىرتاۋ قالاسىنداعى ەكولوگيالىق احۋالدى قالىپقا كەلتىرۋ جونىندەگى ءتيىستى شارالاردى قابىلداۋ ماسەلەلەرى سەناتورلار ساپارىنىڭ ناتيجەسى بويىنشا «ارسەلورميتتالتەمىرتاۋ» اق جۇمىسىنىڭ نەگىزگى باسىمدىعى رەتىندە ايقىندالدى.

دەپۋتاتتار سونداي-اق قاراعاندى مەديتسينالىق ۋنيۆەرسيتەتىنىڭ كلينيكالىق بازاسى – № 1 كوپسالالى اۋرۋحاناسىندا بولىپ, ستاتسيونار جاعدايىندا مەديتسينالىق قىزمەتتەر كورسەتۋدىڭ مۋلتيديستسيپلينارلىق جۇيەسىمەن تانىستى, تۇتاستاي العاندا وڭىردەگى كلينيكالىق ماماندىق كادرلارىمەن قامتاماسىز ەتۋ دەڭگەيىنە, دەنساۋلىق ساقتاۋداعى كوپسالالى مەكەمەلەردىڭ تەحنيكالىق جابدىقتالۋىنا نازار اۋداردى.

«قاراعاندى مەديتسينا ۋنيۆەرسيتەتى» ۇاق باسقارماسىنىڭ توراعاسى ر.دوسماعامبەتوۆا جوعارعى وقۋ ورنىندا ءبىلىم بەرۋدىڭى جاڭا باعدارلامالاردى, سونداي-اق فارماتسەۆتيكا سالاسى بويىنشا ءبىلىم بەرۋ مەن مەديتسينالىق مەنەدجمەنت جونىندەگى جوبالاردى سەناتورلارعا تانىستىردى.

اۋرۋحانا قىزمەتكەرلەرىمەن جانە ۋنيۆەرسيتەتتىڭ پروفەسسور-وقىتۋشىلار قۇرامىمەن كەزدەسۋ بارىسىندا مەملەكەت قابىلداپ جاتقان مامانداندىرىلعان مەديتسينالىق كومەكتى الۋعا قولجەتىمدىلىك جونىندەگى شارالار, اتاپ ايتقاندا, قازاقستان رەسپۋبليكاسىنىڭ 2020-2025 جىلدارعا ارنالعان دەنساۋلىق ساقتاۋدى دامىتۋدىڭ مەملەكەتتىك باعدارلاماسى اياسىنداعى شارالار تالقىلاندى. مەملەكەتتىك جانە ستراتەگيالىق باعدارلامالار بويىنشا كورسەتىلەتىن دارىگەرلىك قىزمەتتەردى ۇسىنۋدىڭ جاڭا سيپاتىنا كوشۋ, دەنساۋلىق ساقتاۋ ۇيىمىنىڭ جۇمىسىن وڭتايلاندىرۋ, سونداي-اق مەديتسينالىق ءبىلىم بەرۋدى جەتىلدىرۋ جۇزەگە اسادى.

كەزدەسۋ بارىسىندا 2020 جىلعى 1 قاڭتاردان باستاپ كۇشىنە ەنەتىن مىندەتتى الەۋمەتتىك مەديتسينالىق ساقتاندىرۋ جونىندەگى زاڭناماداعى جاڭالىقتاردى تالقىلاۋعا ەرەكشە ءمان بەرىلدى. وتكەن جىلعى قىركۇيەكتەن باستاپ قاراعاندى وبلىسىنىڭ مەديتسينالىق ۇيىمدارىندا مىندەتتى الەۋمەتتىك مەديتسينالىق ساقتاندىرۋ جۇيەسىنە پيلوتتىق بايقاۋ جاسالدى. وڭىردە مىندەتتى الەۋمەتتىك مەديتسينالىق ساقتاندىرۋدى ەنگىزۋدىڭ ناتيجەلەرى دەپۋتاتتارعا كورسەتىلدى.

جۇمىس ساپارى ەلىمىزدىڭ ىشكى ىستەر مينيسترلىگىنىڭ ب.بەيسەنوۆ اتىنداعى قاراعاندى اكادەمياسىندا ودان ءارى جالعاستى. وقۋ ورنىنىڭ باسشىلىعىمەن جانە پروفەسسور-وقىتۋشىلار قۇرامىمەن كەزدەسۋ بارىسىندا قۇقىق قورعاۋ جۇيەسىنە رەفورما جۇرگىزۋ, وعان سايكەس «ىشكى ىستەر ورگاندارىن جاڭعىرتۋ بويىنشا جول كارتاسىن» قابىلداۋ جونىندە پىكىر الماسىلدى.

كەزدەسۋگە قاتىسۋشىلار پوليتسيانى مەملەكەتتىڭ قارۋلى قۇرالىنان ازاماتتاردىڭ قاۋىپسىزدىگىن قامتاماسىز ەتۋگە ارنالعان, قىزمەت كورسەتەتىن ورگانعا اينالدىرۋ جونىندەگى مەملەكەت باسشىسى العا قويعان ماڭىزدى مىندەتتىڭ اياسىندا باسىمدىقا يە ماسەلەلەردى تالقىلادى.

اكادەميا باسشىسى ا.دارمەنوۆ وقۋ باعدارلامالارى مەن ارنايى كۋرستارعا ەنگىزىلەتىن تاجىريبەگە نەگىزدەلگەن جاڭالىقتار تۋرالى باياندادى.

ا.شاكىروۆ: ء«ىىم قاراعاندى اكادەمياسى كاسىبي كادرلار دايارلاۋداعى ماڭىزدى مەكەمەلىك جۇيەنىڭ ءبىرى بولىپ تابىلادى. جوعارعى وقۋ ورنىنىڭ قالىپتاسقان بەدەلى مەن مارتەبەسىن قولداپ وتىرۋ ارقىلى قىزمەتىن جەتىلدىرۋ, ونىڭ ىشىندە تەرروريزم مەن ەكسترەميزممەن كۇرەس سالاسىنداعى الەمدىك سىن-قاتەرلەردى, سونداي-اق ازاماتتاردىڭ سەنىمىن تۋعىزاتىن پوليتسيا قىزمەتكەرىنىڭ ۇلگىسىن قالىپتاستىرۋدا قازىرگى زامانعى ۇردىستەردى ەسكەرۋ اسا ماڭىزدى» دەپ اتاپ ءوتتى.

دەپۋتاتتار ءوز سوزدەرىندە قىلمىستىق, قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا ماڭىزدى زاڭنامالىق وزگەرىستەر مەن تولىقتىرۋلار ەنگىزۋ;جەكە ادام قۇقىقتارىن قورعاۋدى كۇشەيتۋ; قىلمىستىق پروتسەسس پەن جازالاردى ورىنداۋ جۇيەسىن ودان ءارى ىزگىلەندىرۋ جانە جازالاۋدى ازايتۋ تۋرالى ايتتى.