«استانا وپەرا» تەاترىنىڭ سيمفونيالىق وركەسترى يتاليادا كونتسەرت بەرىپ ءجۇر. ول جۇرتشىلىققا ەۋروپالىق كلاسسيكا, قازاق فولكلورلىق جانە زاماناۋي مۋزىكا شىعارمالارىن ۇسىنۋدا. گاسترول بيىلعى ناۋرىزدا باستالعان «قازاقستان – بالالىق شاعىمنىڭ اسپانى» اتتى يتالياداعى مادەنيەت كۇندەرىنىڭ جالعاسى بولدى.
«استانا وپەرا» تەاترىنىڭ سيمفونيالىق وركەسترى يتاليادا كونتسەرت بەرىپ ءجۇر. ول جۇرتشىلىققا ەۋروپالىق كلاسسيكا, قازاق فولكلورلىق جانە زاماناۋي مۋزىكا شىعارمالارىن ۇسىنۋدا. گاسترول بيىلعى ناۋرىزدا باستالعان «قازاقستان – بالالىق شاعىمنىڭ اسپانى» اتتى يتالياداعى مادەنيەت كۇندەرىنىڭ جالعاسى بولدى.
الماتىدا 93 وتباسىنا جاڭا پاتەردىڭ كىلتى بەرىلدى. كەشە وسىعان ارنالعان راسىمدە الماتى قالاسىنىڭ اكىمى احمەتجان ەسىموۆ 2015 جىلعا دەيىن ەسەپتەلگەن ەسكى ۇيلەردى بۇزۋ شەڭبەرىنە 55 ءۇيدىڭ كىرگەنىن ايتىپ, باعدارلاما اياسىندا جالپى اۋماعى 161,6 مىڭ شارشى مەتر بولاتىن 2 710 پاتەرلى 61 تۇرعىن ءۇيدىڭ سالىناتىنىن جەتكىزدى.
بايقوڭىرداعى ەكولوگيانى قورعاۋ وكىلەتتىگى «روسكوسموسقا» بەرىلدى. قابىلدانعان وزگەرىستەرگە سايكەس, اگەنتتىك ەندىگى جەردە ەكولوگيالىق قاۋىپسىزدىكتى, كەشەندە ورنالاسقان نىساندارعا قاتىستى تابيعاتتى پايدالانۋ جانە قورشاعان ورتانى قورعاۋ ەرەجەلەرىن قامتاماسىز ەتۋگە جاۋاپ بەرەدى.
استانادا زاڭسىز قويىلعان 20-دان استام پاۆيلون الىنادى. ولاردىڭ قاتارىندا سارىارقا اۋدانىنداعى 21 گۇل جانە كوكونىس پاۆيلوندارى بار.
قوستاناي وبلىسىندا جۇمىسسىزدىق دەڭگەيى تومەندەدى. بۇل جونىندە مالىمدەگەن وبلىس اكىمى نۇرالى سادۋاقاسوۆ جىل باسىنان بەرى جۇمىسسىزدار سانىن 1 967 ادامعا نەمەسە 0,8 پايىزعا قىسقارتۋعا قول جەتكەنىن مىسالعا كەلتىردى.
سولتۇستىك قازاقستان كولىك پروكۋراتۋراسى بيىلعى جىلى 16 ملن. تەڭگەنىڭ قايتارىلۋىنا ىقپال ەتتى. وسى ۋاقىت ارالىعىندا پروكۋراتۋرا الەۋمەتتىك-ەكونوميكالىق سالاعا قاتىستى 24 تەكسەرىس جۇرگىزىپ, 232 رەت زاڭ بۇزىلعانىن انىقتادى.
پاۆلودار وبلىسىندا «مەكتەپكە جول» شاراسى قولعا الىندى. قايىرىمدىلىق قوزعالىسىنىڭ قاتىسۋشىلارى 5 جىل ىشىندە 60 مىڭ بالاعا قولۇشىن سوزىپ, ولار ءۇشىن 220 ملن. تەڭگە جينادى. ال بۇگىندە ايماقتا 10 مىڭ بالا كومەككە مۇقتاج.
قىزىلوردا پوليتسەيلەرى سورا ەككەن ازاماتتاردى قولعا ءتۇسىردى. اتاپ ايتقاندا, قازالى اۋدانىنىڭ ءتارتىپ ساقشىلارى «كوكنار-2013» الدىن الۋ ءىس-شاراسى بارىسىندا كاۋكەي ەلدى مەكەنىنەن 150 شاقىرىم قاشىقتىقتاعى ەسىرتكى القابىن انىقتادى.
جىلدامدىقتى ارتتىرعان استانالىق جۇرگىزۋشىلەرگە 0,5 ملرد. تەڭگەگە جۋىق ايىپپۇل سالىندى. وتكەن 7 ايدا ەلوردادا جىلدامدىق اسىرۋدىڭ 59 مىڭ وقيعاسى تىركەلدى. سوعان وراي جول ەرەجەسىن ساقتاماعانداردىڭ مەكەن-جايلارىنا 38,5 مىڭ ۇيعارىم جولدانعان.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.