ايماق باسشىسى سامات ەسكەندىروۆ توراعالىق ەتەتىن باق ماسەلەلەرى جونىندەگى قوعامدىق كەڭەس مەملەكەتتىك حاتشى مارات ءتاجيننىڭ جەتەكشىلىگىمەن وتكەن مەملەكەتتىك اقپاراتتىق ساياساتتىڭ وزەكتى ماسەلەلەرىنە ارنالعان كەڭەستەن كەيىن قۇرىلعان بولاتىن. سودان بەرگى ۋاقىت ىشىندە جەرگىلىكتى ءباسپاسوز اقپارات قۇرالدارىنىڭ بيلىكپەن اقپاراتتىق ىقپالداستىعىن ارتتىرۋ, مەديا كەڭىستىكتى جاڭعىرتۋ, الەمدە قالىپتاسقان كۇردەلى جاعدايلاردى, ەلىمىزدەگى ساياسي-الەۋمەتتىك وزگەرىستەردى جۇرتشىلىققا جەتكىزۋ سەكىلدى ىرگەلى مىندەتتەرگە وراي بىرقاتار شارالار اتقارىلدى.
ايماق باسشىسى سامات ەسكەندىروۆ توراعالىق ەتەتىن باق ماسەلەلەرى جونىندەگى قوعامدىق كەڭەس مەملەكەتتىك حاتشى مارات ءتاجيننىڭ جەتەكشىلىگىمەن وتكەن مەملەكەتتىك اقپاراتتىق ساياساتتىڭ وزەكتى ماسەلەلەرىنە ارنالعان كەڭەستەن كەيىن قۇرىلعان بولاتىن. سودان بەرگى ۋاقىت ىشىندە جەرگىلىكتى ءباسپاسوز اقپارات قۇرالدارىنىڭ بيلىكپەن اقپاراتتىق ىقپالداستىعىن ارتتىرۋ, مەديا كەڭىستىكتى جاڭعىرتۋ, الەمدە قالىپتاسقان كۇردەلى جاعدايلاردى, ەلىمىزدەگى ساياسي-الەۋمەتتىك وزگەرىستەردى جۇرتشىلىققا جەتكىزۋ سەكىلدى ىرگەلى مىندەتتەرگە وراي بىرقاتار شارالار اتقارىلدى.
قوعامدىق كەڭەستىڭ كەزەكتى وتىرىسىنىڭ كۇن تارتىبىنە بىرنەشە وزەكتى ماسەلەلەر شىعارىلىپ, جان-جاقتى تالقىلاندى. وبلىس اكىمى كىرىسپە سوزىندە ەلباسىنىڭ «قازاقستان-2050» ستراتەگياسى باق وكىلدەرى الدىنا دا ۇلكەن بەلسەندىلىك تالاپتارىن قويىپ وتىرعانىن, ول ءۇشىن بارلىق مۇمكىندىك تۋعىزىلعانىن, ساراپتامالىق تالداۋلاردى, جۋرناليستىك زەرتتەۋلەردى جاڭاشا ويلاۋ تۇرعىسىنان ءارى جاعدايمەن ناقتى بايلانىستىرۋدىڭ وزەكتىلىگىن اتاپ كورسەتتى.
ىشكى ساياسات باسقارماسىنىڭ باسشىسى سالاۋات مۇقسىموۆ كەڭەستىڭ وتكەن وتىرىسىندا قابىلدانعان شەشىمدەردىڭ 8-ءى ورىندالعانىن, قالعاندارى باقىلاۋدا تۇرعانىن, ۇيىمداردا باق ماسەلەلەرىنە جاۋاپتى ادامداردىڭ بەكىتىلگەنىن, اقپارات الۋ ءۇردىسىنىڭ وڭايلاعانىن, مەكەمە جەتەكشىلەرىمەن كەزدەسۋلەردىڭ وتكىزىلۋى جۇيەلى سيپات العانىن جەتكىزدى. وبلىستا ءبۇگىندە 200-گە جۋىق قالام يەلەرى قازاقستان جۋرناليستەر وداعىنا مۇشە. جەرگىلىكتى فيليال توراعاسى ەرلان توقشىلىق ءوز ءسوزىن بىلىكتى جۋرناليست ماماندارىن دايارلاۋ تۇرعىسىنان ءوربىتىپ, جينالعاندار نازارىن ءالى دە تاجىريبەلى كادرلاردىڭ جەتكىلىكسىزدىگىنە, تاقىرىپتاردىڭ تارلىعىنا, وبەكتيۆتى سىن-پىكىرلەرگە قۇرىلعان ماتەريالدار جازۋدىڭ ورنىنا قىزىل ءسوزدى, ارزان ويدى قۋالاپ كەتەتىنىنە, مۇنىڭ ءوزى وقىرماندار مەن كورەرمەندەردى جالىقتىرىپ جىبەرەتىنىنە نازار اۋداردى. اكىم وعان جۋرناليستەر بىلىكتىلىگىنە قاتىستى سىن مەن ءوزارا سىندى شىعارماشىلىق ورتالاردا دا ورىستەتۋدى ەسكەرتىپ, ۇيىم جۇمىسىن جانداندىرۋ جونىندە ناقتى تاپسىرما جۇكتەدى.
«ءادىل-ارقا» وڭىرلىك باق-تى قولداۋ جونىندەگى قوعامدىق قوردىڭ ءتورايىمى زاۋرە جۇماليەۆانىڭ سالماقتى ۇسىنىستارى مەملەكەتتىك ورگاندار مەن جۋرناليستەر اراسىندا ىسكەرلىك قارىم-قاتىناس ورناتۋ ماسەلەلەرىنە باعىتتالدى. ول ىشكى ساياسات باسقارماسىنىڭ الەۋمەتتىك تاپسىرىسى اياسىندا ارنايى جوبالار قولعا الىنىپ, سەمينارلار, دوڭگەلەك ۇستەلدەر, لەكتسيالار, ۇنقاتىسۋلار وتكىزىلگەنىن ايتا كەلىپ, دەپارتامەنتتەر مەن باسقارمالاردا باق جۇمىستارىن ۇيلەستىرىپ وتىراتىن وكىلدەردىڭ تاعايىندالۋىن وڭ تاجىريبە رەتىندە باعالادى. وبلىس اكىمى اپپاراتىنىڭ باسشىسى ۆلاديمير دۋدوۆ مەملەكەتتىك ورگانداردىڭ قوعاممەن جانە باق-پەن بايلانىسىنداعى ينتەرنەتتىڭ, الەۋمەتتىك جەلىلەردىڭ الەۋەتى تۋرالى باياندادى. اكىمدىكتىڭ web-سايتى قايتادان جاڭارتىلىپ, ۆيرتۋالدى قوعامدىق قابىلداۋعا 300-گە جۋىق ءوتىنىش ءتۇسىپتى. ولارعا ءتۇگەلگە جۋىق جاۋاپ بەرىلىپتى.
سامات ساپاربەك ۇلى قوعامدىق كەڭەس وتىرىسىندا مەملەكەتتىك ورگاندار جۇمىسىنىڭ اشىقتىعى مەن قولجەتىمدىلىگىن قامتاماسىز ەتۋ, ولاردىڭ قىزمەتى جۇرتشىلىقتىڭ ءال-اۋقاتىن, تۇرمىسىن جاقسارتۋعا باعىتتالۋى قاجەتتىگىن, باق-تىڭ مەملەكەتتىك اقپارات ساياساتىنداعى جەتەكشى ورنىن ارتتىرۋ مۇمكىندىكتەرىن اتاپ كورسەتتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.