اقتوبە وڭىرىندە 900-گە جۋىق شەتەلدىك كومپانيا تىركەلگەن. وبلىس ەكونوميكاسىنىڭ كوكجيەگىن كوتەرۋگە وسىنشا شەتەلدىك كاپيتالدىڭ قاتىسۋى سالىقتىق بازانىڭ ۇلعايا تۇسۋىنە وڭ اسەرىن تيگىزۋدە. سوڭعى كەزدەرى شەتەلدىك ينۆەستيتسيالار تارتۋ كولەمى جونىنەن اقتوبە وبلىسى وڭىرلەر اراسىندا الدىڭعى ورىنعا شىقتى.
اقتوبەلىك اتقارۋشى ورگاندار يتاليا مەملەكەتىمەن دە تىعىز قارىم-قاتىناس ورناتقان. مۇنىڭ باستى كورىنىسى ايماقتا بەس يتاليالىق كومپانيانىڭ قىزمەت جاساپ جۇرگەندىگى. بەرىك بايلانىستىڭ ناتيجەسى ەكى جاقتاعى تاۋار اينالىمىنىڭ وسۋىنە دە العىشارت بولادى. 2019 جىلدىڭ ون ايىنىڭ قورىتىندىسى بويىنشا ونىڭ كولەمى 130 ميلليون اقش دوللارىنا جۋىقتادى.
ارينە بۇل مۇمكىندىكتىڭ شەگى ەمەس. سوندىقتان دا يتالييانىڭ قازاقستانداعى توتەنشە جانە وكىلەتتى ەلشىسى پاسكۋالە د’اۆينو مەن اقتوبە وبلىسىنىڭ اكىمى وڭداسىن ءورازاليننىڭ كەزدەسۋى كەزىندە ەكىجاقتى بايلانىستاردى ودان ءارى تەرەڭدەتۋ ءارى قارجىلىق-ەكونوميكالىق تۇرعىدان وزگە گۋمانيتارلىق-مادەني سالالاردا دا ساپالىق وزگەرىستەر جاساۋ جونىندە ۇيعارىمدار جاسالدى.
اقتوبە