«نۇر وتان» پارتياسى قوستاناي وبلىستىق فيليالىنىڭ «كەڭ جۇرەك» بەلگىسىمەن اتالىپ ءوتتى
ەرلىك جاساۋ ءۇشىن سوعىس كەرەك ەمەس. ادامداردى جاقسى كورىپ, ءومىردى سۇيە بىلگەن جان ەرلىك قيمىل دا جاساي الادى. مۇنى كۇندەلىكتى تىرلىك كورسەتىپ ءجۇر. ونداي ادامنىڭ جۇرەگىنەن بارلىعىنا ورىن تابىلادى. گۇلجاۋھار مەن نۇرلان تولەگەنوۆتەر اتا-اناسىنىڭ قامقورلىعىنسىز قالعان بىرنەشە ۇلتتىڭ بالالارىن اسىراپ وتىر. جاقىندا ولاردىڭ وتباسى تاعى دا جەتى جاسار جەنيامەن تولىقتى. جاس وتباسى بولاشاقتا وتباسىلىق بالالار ءۇيىن اشقىسى كەلەدى. ولار تاستاندى بالالار ادامدار تاراپىنان تاس جۇرەكتىكتى, مەيىرىمسىزدىكتى ەمەس, قۇستىڭ ۇياسىنداي وتباسىنىڭ جىلۋىن سەزىنىپ وسسە ەكەن دەيدى جانە ونى وزدەرى جۇزەگە اسىرعىسى كەلەدى. قازىر بۇل وتباسىندا بارلىعى ون بالا ءوسىپ كەلەدى. مىنە, ەرلى-زايىپتى جاستاردىڭ بۇل قادامىن ەرلىك دەۋگە بولماي ما؟ ابدەن بولادى.
«نۇر وتان» پارتياسى قوستاناي وبلىستىق فيليالىنىڭ «كەڭ جۇرەك» بەلگىسىمەن اتالىپ ءوتتى
ەرلىك جاساۋ ءۇشىن سوعىس كەرەك ەمەس. ادامداردى جاقسى كورىپ, ءومىردى سۇيە بىلگەن جان ەرلىك قيمىل دا جاساي الادى. مۇنى كۇندەلىكتى تىرلىك كورسەتىپ ءجۇر. ونداي ادامنىڭ جۇرەگىنەن بارلىعىنا ورىن تابىلادى. گۇلجاۋھار مەن نۇرلان تولەگەنوۆتەر اتا-اناسىنىڭ قامقورلىعىنسىز قالعان بىرنەشە ۇلتتىڭ بالالارىن اسىراپ وتىر. جاقىندا ولاردىڭ وتباسى تاعى دا جەتى جاسار جەنيامەن تولىقتى. جاس وتباسى بولاشاقتا وتباسىلىق بالالار ءۇيىن اشقىسى كەلەدى. ولار تاستاندى بالالار ادامدار تاراپىنان تاس جۇرەكتىكتى, مەيىرىمسىزدىكتى ەمەس, قۇستىڭ ۇياسىنداي وتباسىنىڭ جىلۋىن سەزىنىپ وسسە ەكەن دەيدى جانە ونى وزدەرى جۇزەگە اسىرعىسى كەلەدى. قازىر بۇل وتباسىندا بارلىعى ون بالا ءوسىپ كەلەدى. مىنە, ەرلى-زايىپتى جاستاردىڭ بۇل قادامىن ەرلىك دەۋگە بولماي ما؟ ابدەن بولادى.
ەرلىك قادام جاس تالعامايدى. تاران اۋدانىندا تۇراتىن جاۋكەنوۆتەر ۇيىندە ءتۇن ورتاسىندا ءورت شىقتى. اتا-اناسى, باۋىرلارى قالىڭ ۇيقىعا كەتكەن. التىنشى سىنىپتا وقيتىن ناريمان ءوزىنىڭ ساباعىن دايىنداپ, ۇيالى تەلەفونىنا الدانىپ وتىرعان. ۇيدەن كۇيىكتىڭ, ءتۇتىننىڭ ءيىسى شىقتى. ول اس بولمەنىڭ ەسىگىن اشىپ قالعاندا ىشتەن لاۋلاعان جالىن بالانى شالقاسىنان قۇلاتا جازدادى. ول دەرەۋ اناسىنا جۇگىردى. ۇيقىلى-وياۋ ساسىپ قالعان اناسى اس بولمەنىڭ ەسىگىن قايتا جاپقاندا, دالاعا شىعار ەسىكتەن وتە الماي, تۇرىپ قالدى. وسى كەزدە ناريمان ءتور بولمەنىڭ تەرەزەسىن سىندىرىپ, ءۇش ايلىق قارىنداسىن كورپەگە وراي سالا, تەرەزەدەن سىرتقا تەز الىپ شىقتى. نارەستە ءتۇتىن يىسىنەن, وتتان امان قالدى. مۇنى ناريمان ەرلىك جاسادىم دەپ ويلامايدى. ول قارىنداسىنىڭ, اناسىنىڭ وتتان امان قالعانىنا قۋانادى.
«نۇر وتان» حدپ قوستاناي وبلىستىق فيليالى مەيىرىمدىلىك پەن قايىرىمدىلىق كورسەتكەن, وزگەنىڭ ءومىرىن ساقتاپ قالۋ ءۇشىن تاۋەكەل قيمىل جاساعان جانداردىڭ ەرلىك ءىسىن وزگەگە ونەگە ەتىپ كورسەتۋ ماقساتىندا «كەڭ جۇرەك» بەلگىسىن تاعايىنداعان بولاتىن. بيىل ول ءۇشىنشى رەت لايىقتى يەلەرىنە تاپسىرىلدى. تەك جاۋكەنوۆتەر وتباسى مەن ناريمان عانا ەمەس, بۇل بەلگىنى العانداردىڭ ەشقايسىسى دا ءوز ءىسىن ەرلىككە جاتقىزبايدى, اركىم سولاي ىستەر ەدى دەپ بىلەدى. بىراق ونى ەرلىك ەمەس دەپ ەشكىم دە ايتا المايدى.
ۇستىمىزدەگى جىلدىڭ اقپان ايىندا امانقاراعاي ستانساسىندا تۇراتىن ءتورت بوزبالا ورمانعا سەرۋەندەۋگە شىعادى. ەگەر بوران سوعىپ تۇرسا جيىرمادان ەندى اسقان جىگىتتەر مۇنداي قادامعا بارماس تا ەدى, بالكىم. سول كۇنى دالادا قار قالىڭ بولعانىمەن, كۇن جارقىراپ شىعىپ, دالا ماي توڭعىسىز بولىپ تۇردى. شاڭعىشىلار مەزگىلدى بايقاماي ورماندا ۇزاق ءجۇرىپ قالدى. ولار ۇيگە بەت العاندا قىستىڭ قىسقا كۇنى ەڭكەيىپ قالعان, اۋا رايى بۇزىلىپ, بۇرقاسىنداتا باستادى. ۆياچەسلاۆ نيكۋلين دەگەن جىگىت كەنەت ەسىنەن تانىپ, قۇلاپ قالدى. شاڭعىشىلار ونى سۇيەپ, سۇيرەگەنمەن ەشتەڭە ونبەدى. ۆياچەسلاۆتىڭ قاسىندا ءبىر جىگىت قالدى دا, قالعان ەكەۋى تەز اۋىلعا اسىقتى. ولار ءتۇن ورتاسىندا اۋليەكولدە تۇراتىن اڭشى ۆياچەسلاۆ حراموۆتىڭ تەرەزەسىن قاقتى. ول ەكى سوزگە كەلمەي, قار كەشكىش ماشيناسىنا ءمىندى. بەلۋاردان قارعا مالتىعىپ ءجۇرىپ, بالالاردى تاۋىپ الدى. ەس-ءتۇسسىز جاتقان بالانىڭ اياق-قولىنىڭ ۇشىن ۇسىك شالا باستاپتى...
– ءسىز ءتۇن ورتاسىندا كومەك بەرۋدەن باس تارتۋىڭىزعا دا بولاتىن ەدى عوي؟ – دەگەن جۋرناليستەردىڭ سۇراعىنا ۆياچەسلاۆ تاڭدانا جاۋاپ قاتتى.
– قالايشا؟ بىزدە بارلىعى دا وسىنداي, ءدال مەن سياقتى كومەككە ۇشار ەدى!
وسى سالتاناتقا قاتىسقان «نۇر وتان» حدپ قوستاناي وبلىستىق فيليالىنىڭ توراعاسى, وبلىس اكىمى نۇرالى سادۋاقاسوۆ «كەڭ جۇرەك» بەلگىسىن «بكستروي» جاۋاپكەرشىلىگى شەكتەۋلى سەرى