يران سىرتقى ىستەر مينيسترلىگىنىڭ رەسمي وكىلى ابباس مۋساۆي تەگەراندا قۇلاعان ۋكراينا ۇشاعىندا قايتىس بولعانداردىڭ ءىسى بويىنشا كونسۋلدىق ماسەلەلەر جونىندەگى جۇمىس توبى قۇرىلعانىن ءمالىم ەتتى. بۇل تۋرالى يراننىڭ Irna اگەنتتىگى حابارلادى.
ايتا كەتەيىك, كيەۆكە ۇشىپ بارا جاتقان «ۋكراينا حالىقارالىق اۋە جەلىسى» كومپانياسىنىڭ Boeing 737-800 ۇشاعى 8 قاڭتاردا, سارسەنبى كۇنى تەگەران اۋەجايىنان ۇشىپ شىققان سوڭ اپاتقا ۇشىرادى. ۇشاقتا بولعان 176 ادام تۇگەل مەرت بولدى. 167 جولاۋشىنىڭ اراسىندا يران, ۋكراينا, كانادا, گەرمانيا, شۆەتسيا جانە اۋعانستان ازاماتتارى بولعان جانە 9 ەكيپاج مۇشەسى بار. ول يران يسلام رەسپۋبليكاسىنىڭ ساياسي جانە كونسۋلدىق ميسسياسىنىڭ وكىلدەرى مەرت بولعان ازاماتتاردىڭ وتباسىلارىنىڭ قاجەتتىلىكتەرىن ءجىتى قاداعالاپ وتىرعانىن ايتتى.
«يران سىرتقى ىستەر مينيسترلىگىندە ۇشاق قۇلاۋى كەزىندە قازا تاپقانداردىڭ وتباسىنا قاجەتتى كومەك كورسەتەتىن ارنايى جۇمىس توبى قۇرىلدى» دەپ مالىمدەدى ا.مۋساۆي.
ول يران يسلام رەسپۋبليكاسىنىڭ ساياسي جانە كونسۋلدىق ميسسياسىنىڭ مەرت بولعاندار وتباسىلارىنا قاجەتتى كومەك كورسەتەتىنىن اتاپ ءوتتى.