قازاقستاننىڭ تۇڭعىش پرەزيدەنتى ومان سۇلتاندىعىنىڭ بيلەۋشىسى سۇلتان قابۋس بەن سايد ءال سايدتىڭ دۇنيەدەن وزعانى تۋرالى سۋىت حاباردى كۇيزەلىسپەن قابىلدادى, دەپ حابارلايدى ەلباسىنىڭ رەسمي سايتى.
«ول قازاقستان مەن ومان اراسىنداعى قارىم-قاتىناستىڭ نىعايۋىنا جانە ەلدەر اراسىندا سەنىم مەن دوستىققا نەگىزدەلگەن ىنتىماقتاستىقتىڭ دامۋىنا تىكەلەي سەپتىگىن تيگىزدى.
سۇلتان قابۋس حالقىن, جەرىن, ەلىن سۇيگەن ادال جانە پاراساتتى بيلەۋشى رەتىندە ەستە ساقتالادى دەپ سەنەمىن.
وسىناۋ ازالى ساتتە ومان حالقىنىڭ جانە مارقۇمنىڭ وتباسى مەن جاقىندارىنىڭ اۋىر قايعىلارىنا ورتاقتاسىپ, كوڭىل ايتامىن», - دەلىنگەن جەدەلحاتتا.