ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى ەرجان جىلقىباەۆ تۇركىستان وبلىسىنا جۇمىس ساپارى بارىسىندا بايدىبەك, سارىاعاش, قازىعۇرت جانە سوزاق اۋداندارىنىڭ, كەنتاۋ جانە تۇركىستان قالالارىنىڭ حالىقتى جۇمىسپەن قامتۋ ورتالىقتارىنا (بۇدان ءارى – حجقو) بارىپ, اتاۋلى الەۋمەتتىك كومەك (بۇدان ءارى – ااك) تاعايىنداۋعا ۇمىتكەر ازاماتتاردىڭ قۇجاتتارىن قابىلداۋ بارىسىمەن تانىستى جانە حالىققا ونى كورسەتۋدىڭ جاڭا تاسىلدەرىن ءتۇسىندىردى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
ءوڭىر تۇرعىندارىمەن سويلەسە وتىرىپ, ەرجان جىلقىباەۆ 2020 جىلعى 1 قاڭتاردان باستاپ قازاقستاندا پرەزيدەنت قاسىم-جومارت توقاەۆتىڭ تاپسىرماسى بويىنشا ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن ااك كورسەتۋدىڭ جاڭا تەتىكتەرى جۇمىس ىستەپ جاتقانىن ەسكە سالدى.
«مەملەكەت باسشىسى 2 قىركۇيەكتەگى قازاقستان حالقىنا جولداۋىندا ۇكىمەت الدىنا ااك تاعايىنداۋ تەتىگىن ونىڭ اشىقتىعىن, ادىلدىگىن جانە ەڭبەككە ىنتالاندىرۋدى قامتاماسىز ەتۋ ماقساتىندا تۇزەتۋ, سونداي-اق تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتامانى ەنگىزۋ مىندەتىن قويدى. مەملەكەتتىك كومەكتىڭ جاڭا شارالارى كەشەندى جۇزەگە اسىرىلادى جانە وعان كوپبالالى وتباسىلاردى قولداۋ, جاڭعىرتىلعان اتاۋلى الەۋمەتتىك كومەك, تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتاما كىرەدى» دەدى ۆيتسە-مينيستر.
كوپبالالى وتباسىلاردى قولداۋ 4 جانە ودان دا كوپ كامەلەتكە تولماعان بالالارى نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار وتباسىلارعا جاڭا مەملەكەتتىك جاردەماقى تولەۋ ەسەبىنەن قامتاماسىز ەتىلەتىن بولادى. بۇل مەملەكەتتىك جاردەماقى وتباسىنىڭ تابىسىنا قاراماستان سارالانعان مولشەردە تولەنەتىن بولادى: 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جانە ودان دا كوپ بالاعا – 74 388 تەڭگە.
ء«بىز بۇرىن قولدانىستا بولعان شەكتى ولشەمدى ساقتادىق, وعان سايكەس الەۋمەتتىك كومەك تاعايىنداۋ ءۇشىن وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنىڭ 70% - نان كەم بولۋى ءتيىس. وتباسىنىڭ بارلىق مۇشەلەرى ءۇشىن ااك مولشەرى جان باسىنا شاققانداعى تابىس پەن كەدەيلىك شەگىنىڭ اراسىنداعى ايىرما رەتىندە ايقىندالاتىن بولادى. ااك اشىقتىعىن قامتاماسىز ەتۋ ءۇشىن ول توقسان سايىن تاعايىندالاتىن بولادى, ال وتباسىنىڭ ماتەريالدىق جاعدايىنا تەكسەرۋ جۇرگىزۋ مەرزىمى 3 كۇننەن 7 كۇنگە دەيىن ۇلعايتىلادى, بۇل پروتسەستە ۋچاسكەلىك كوميسسيالاردىڭ ءرولى كۇشەيتىلەدى» دەپ تولىقتىردى ۆيتسە-مينيستر.
كەپىلدىك بەرىلگەن الەۋمەتتىك توپتاما ااك الاتىن وتباسىلاردىڭ بالالارىنا ۇسىنىلاتىن بولادى. سونىمەن, 1 جاستان 6 جاسقا دەيىنگى تابىسى از وتباسىلاردىڭ بالالارى ازىق – ت ۇلىك جيىنتىعىمەن جانە گيگيەنالىق قۇرالدارمەن, 6 جاستان 18 جاسقا دەيىنگى بالالار مەكتەپتەردە ىستىق تاماقپەن, وقۋ قۇرالدارىمەن جانە مەكتەپ كيىمدەرىمەن قامتاماسىز ەتىلەدى, سونداي-اق ولارعا مەكتەپكە دەيىنگى جول ءجۇرۋ شىعىندارى وتەلەتىن بولادى. مەديتسينالىق, ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن بولادى.
ەرجان جىلقىباەۆ 367 مىڭ كوپبالالى وتباسى قاڭتار ايىندا جالپى سوماسى 17,7 ملرد تەڭگەگە جوعارىدا كورسەتىلگەن جاردەماقىنى العانىن اتاپ ءوتتى.
ول سونداي-اق كوپبالالى وتباسىلارعا بەرىلەتىن جاردەماقىدان باسقا ۇيدە جۇمىس ىستەۋ ءۇشىن دە, ءوز ءىسىن اشۋ ءۇشىن دە كەڭ مۇمكىندىكتەر ۇسىنىلاتىن اتاپ ءوتتى.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىنا قاجەتتى وزگەرىستەر ەنگىزىلدى. كوپبالالى جانە تابىسى از وتباسى مۇشەلەرىن كاسىپكەرلىككە تارتۋ ءۇشىن ولارعا ميكروكرەديتتەر جىلدىق 4% - دان اسپايتىن پايىزدىق مولشەرلەمەمەن 7 جىلعا دەيىنگى مەرزىمگە جەڭىلدىكتى شارتتارمەن بەرىلەتىن بولادى. بۇدان باسقا, حالىقتىڭ بارلىق ساناتتارى ءۇشىن مەملەكەتتىك گرانتتاردىڭ بىرىڭعاي مولشەرى – 200 اەك بەلگىلەنگەن. سونىمەن قاتار, كوپبالالى جانە تابىسى از وتباسى مۇشەلەرى الدىن الا وقۋسىز گرانت الۋعا قۇقىلى» دەدى ۆيتسە-مينيستر.
ەرجان جىلقىباەۆ, سونداي-اق, ازاماتتارعا ااك تاعايىنداۋ ءۇشىن قۇجاتتاردى تاپسىرۋعا ۇلگەرمەيتىنى جونىندە الاڭداۋدىڭ قاجەتى جوق ەكەنىن باسا ايتتى. ازاماتتاردىڭ وتىنىشتەرى حجقو مەن اكىمدىكتەر جانىنداعى جۇمىسپەن قامتۋ بولىمدەرىندە قاڭتار ايىنىڭ سوڭىنا دەيىن قابىلدانادى.
ەستەرىڭىزگە سالا كەتەيىك, كەشە ۆيتسە-مينيستر شىمكەنت قالاسىندا اتاۋلى الەۋمەتتىك كومەك تاعايىنداۋعا ۇمىتكەر ازاماتتاردىڭ قۇجاتتارىن قابىلداۋ بارىسىمەن تانىستى.