قاسىم-جومارت توقاەۆ «Egemen Qazaqstan» گازەتىنىڭ بۇگىنگى سانىندا جاريالانعان «اباي جانە ءححى عاسىرداعى قازاقستان» اتتى ماقالاسىندا بىرقاتار مەملەكەتتەگى قازاقستان ەلشىلىكتەرى جانىنان «اباي ورتالىقتارىن» قۇرۋ جوسپارلانىپ وتىرعانىن جازدى.
«ابايدىڭ تۇلعاسى مەن مۇراسىن ۇلىقتاۋ شەتەلدەردە دە جالعاسادى. رەسەيدەگى, فرانتسياداعى, ۇلىبريتانياداعى جانە باسقا دا مەملەكەتتەردەگى قازاقستاننىڭ ەلشىلىكتەرى جانىنان «اباي ورتالىقتارىن» قۇرۋ جوسپارلانىپ وتىر. بۇل مادەني ءىس-شارالاردى ىسىراپشىلدىققا جول بەرمەي ۇيىمداستىرۋ قاجەت» دەپ جازدى مەملەكەت باسشىسى.