وبلىستىڭ بايعانين اۋدانىندا قاراسورا ءوسىرىپ, ودان ەسىرتكى زاتتارىن دايىنداپ, وتكىزبەكشى بولعاندار قۇرىقتالدى. مۇنىڭ ءوزى قانشاما الدىن الۋ شارالارى جۇرگىزىلگەنىمەن, ەسىرتكى زاتتارى مەن ناشا ءوندىرۋدىڭ وندىرىستىك جولعا قويىلا باستاعانىن كورسەتسە كەرەك. سوناۋ قىزىلوردا وبلىسىنان كەلىپ, بايعانين اۋدانى اۋماعىنداعى قاراجار اۋىلىنا جاقىن ماڭداعى وزەن جاعاسىنا جايعاسىپ الىپ, 2 گەكتار جەرگە ءتورت تاناپ قاراسورا ەگىپ, جاسىرىن ەسىرتكى دايىنداۋدى كاسىپ ەتكەن ەكى ازاماتتىڭ ارام ويى جۇزەگە اسپادى. ولار قاراسورا ەگىسى ماڭىنان قامىستان كۇركە تۇرعىزىپ, قاراسورا ەگىلگەن القاپتى ەكى سۋ سورعىمەن سۋارىپ, 3 مىڭ جاسىل بۇتانى باپتاپ كەلگەن. ەندى از عانا ۋاقىت وتكەندە, ياعني, تامىز ايىندا وسى قاراسورا ەگىندىگىنەن 350 كەلىدەن استام ەسىرتكى زاتتارىن دايىنداماقشى ەكەن. ابىروي بولعاندا قاراسورانىڭ اينالىمعا ءتۇسۋ جولى كەسىلدى. قاراسورا ەگۋشىلەردەن ەكى مىلتىق تاركىلەندى. كۇدىكتىلەر ازىق-ت ۇلىكتەن قور جاساپ, سونىمەن بىرگە, اڭ-قۇس اۋلاپ, ازىقتانىپ كەلگەن.
بۇل ازاماتتار بۇرىن دا تۇرمەنىڭ ءدامىن تاتقاندار كورىنەدى. ازىرگە تەرگەۋ جۇمىستارى جۇرگىزىلۋدە. قىلمىسكەرلەردىڭ ادامنىڭ ءۇش ۇيىقتاسا تۇسىنە كىرمەيتىن ارەكەتتەرگە بارۋى قاۋىپتەندىرەدى. شۋ بويىندا وسەتىن جابايى قاراسورامەن كۇرەسىپ جۇرگەندە ىرگەدەن – اق قاراسورا وسىرگەندەردىڭ شىعا باستاۋى بۇل باعىتتا باتىل قادامدارعا بارۋدى قاجەت ەتەتىنى ءسوزسىز.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.