بارشامىزعا ءمالىم, پرەزيدەنت نۇرسۇلتان نازارباەۆتىڭ ءوزىنىڭ وسى كەزگە دەيىن جاريالاعان بارلىق جولداۋلارىندا ەلىمىزدىڭ مادەنيەتى مەن اقپاراتى سالاسىنا ەرەكشە كوڭىل ءبولىپ كەلەدى. ەرتەدەن بەرىك نەگىزى قالانعان بۇل ءداستۇر مەملەكەت باسشىسىنىڭ بىلتىرعى جىلدىڭ شىلدە ايىندا قابىلدانعان «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلاماسىندا دا ءوزىنىڭ ورنىقتى ورنىن تاپتى. استانادا يندۋستريالاندىرۋ كۇنىنە ارنالىپ وتكىزىلگەن تەلەكوپىر كەزىندە جاريا ەتىلگەن بۇل قۇندى قۇجاتتا اتالمىش سالانىڭ جۇمىسىن بۇرىنعىدان دا جانداندىرا تۇسۋگە باعىتتالعان كوپتەگەن تۇجىرىمدار كەلتىرىلىپ, ناقتىلى تاپسىرمالار بەرىلدى. وندا قازاقستان قوعامىنىڭ تەك بۇگىنگى كورىنىسى عانا ءسوز ەتىلىپ قويا سالماي, رەسپۋبليكا تۇرعىندارىنىڭ اقپاراتتىق-مادەني تۇرعىداعى كەلەشەكتەگى كەلبەتى مەيلىنشە كەڭىنەن قاراستىرىلدى. بۇل ءوز كەزەگىندە ءبىزدىڭ ەتنومادەني ءومىرىمىزدىڭ باياندى بولا تۇسۋىنە باستايتىن جارقىن جولدارعا دا باعدار جاساپ بەردى.
بارشامىزعا ءمالىم, پرەزيدەنت نۇرسۇلتان نازارباەۆتىڭ ءوزىنىڭ وسى كەزگە دەيىن جاريالاعان بارلىق جولداۋلارىندا ەلىمىزدىڭ مادەنيەتى مەن اقپاراتى سالاسىنا ەرەكشە كوڭىل ءبولىپ كەلەدى. ەرتەدەن بەرىك نەگىزى قالانعان بۇل ءداستۇر مەملەكەت باسشىسىنىڭ بىلتىرعى جىلدىڭ شىلدە ايىندا قابىلدانعان «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلاماسىندا دا ءوزىنىڭ ورنىقتى ورنىن تاپتى. استانادا يندۋستريالاندىرۋ كۇنىنە ارنالىپ وتكىزىلگەن تەلەكوپىر كەزىندە جاريا ەتىلگەن بۇل قۇندى قۇجاتتا اتالمىش سالانىڭ جۇمىسىن بۇرىنعىدان دا جانداندىرا تۇسۋگە باعىتتالعان كوپتەگەن تۇجىرىمدار كەلتىرىلىپ, ناقتىلى تاپسىرمالار بەرىلدى. وندا قازاقستان قوعامىنىڭ تەك بۇگىنگى كورىنىسى عانا ءسوز ەتىلىپ قويا سالماي, رەسپۋبليكا تۇرعىندارىنىڭ اقپاراتتىق-مادەني تۇرعىداعى كەلەشەكتەگى كەلبەتى مەيلىنشە كەڭىنەن قاراستىرىلدى. بۇل ءوز كەزەگىندە ءبىزدىڭ ەتنومادەني ءومىرىمىزدىڭ باياندى بولا تۇسۋىنە باستايتىن جارقىن جولدارعا دا باعدار جاساپ بەردى.
ەلىمىز ءوز تاۋەلسىزدىگىنىڭ ءۇشىنشى ونجىلدىعىنا قادام باسقان قازىرگى كەزەڭىندە الەمنىڭ كوپتەگەن قۋاتتى ەلدەرىمەن تىعىز ينتەگراتسياعا ءتۇسىپ, جاھاندىق ەكونوميكانىڭ ماڭىزدى بولشەگى بولىپ قالىپتاسۋ كەزەڭىن باستان كەشۋدە. بىزدەگى الەۋمەتتىك جاڭعىرتۋ جاھاندىق اقپاراتتىڭ ايدىنى بارىنشا ايبىندانا تۇسكەن ۋاقىتپەن تۇسپا-تۇس كەلىپ وتىر. وسىعان وراي نۇرسۇلتان نازارباەۆ جوعارىدا اتالعان باعدارلاماسىندا «جاڭعىرتۋ ۇدەرىسىنىڭ, بىرىنشىدەن, بۇكىل قازاقستاندىق سوتسيۋمدى اقپاراتتىق قوعام جاعدايىنا باستاۋى ءتيىس» ەكەنىن, «ەكىنشىدەن, قازاقستاندا ەكونوميكانىڭ, الەۋمەتتىك جۇيە مەن ساياساتتىڭ بۇلجىماس دامۋىنىڭ ماڭىزدى فاكتورى بولا الاتىنداي اقپاراتتىق-مادەني ورتا قۇرۋ» قاجەتتىگىن اتاپ كورسەتتى. بۇل الەمدىك دامۋدىڭ ترەندىنە تولىق سايكەس كەلەدى. سەبەبى, ەلباسى ايتقانداي, سوڭعى جىلدارى ءبىزدىڭ ەلىمىزدە اقپاراتتىق تەحنولوگيالاردىڭ دامۋى مەن ولاردىڭ ومىرگە ەنۋى رەكوردتىق قارقىنمەن جۇزەگە اسىرىلۋدا. مۇنى قازىر كوممۋنيكاتسيالىق جەلىلەر مەن بۇقارالىق اقپارات قۇرالدارى سەكىلدى تۇتاس اقپارات كەڭىستىگىن تسيفرلاندىرۋ ۇدەرىسىنىڭ بارىسىنان دا انىق بايقاۋعا بولادى. ءىس جۇزىندە رەسپۋبليكادا قوعامدى جاپپاي كومپيۋتەرلەندىرۋ ءداۋىرى اياقتالۋعا جاقىنداپ كەلەدى. بۇل ءۇشىن ينتەرنەتتى پايدالانۋشىلار سانىنىڭ وتكەن جىلى عانا سونىڭ الدىنداعى سايكەس مەرزىمگە قاراعاندا, ەكى ەسەدەن استام ءوسىپ, جالپى سانىنىڭ 8,7 ميلليون ادامدى قامتيتىن مولشەرگە جەتكەنىن ايتساق تا جەتىپ جاتىر.
نۇرسۇلتان ءابىش ۇلى وسى باعدارلامالىق بايانداماسىندا سونىمەن قاتار, اقپاراتتىق-مادەني فاكتوردىڭ بارلىق وسكەلەڭ ءرولىن ەسكەرە كەلىپ, «قازاقستان رەسپۋبليكاسىنىڭ الەۋمەتتىك دامۋىنىڭ 2030 جىلعى دەيىنگى جالپىۇلتتىق تۇجىرىمداماسى», «اقپاراتتىق قازاقستان-2030» مەملەكەتتىك باعدارلاماسى سياقتى ماڭىزدى قۇجاتتاردى ازىرلەيتىن ۋاقىتتىڭ كەلگەنىن دە اشىپ ايتتى. اينالىپ كەلگەندە, بۇلاردىڭ بارلىعى مەملەكەت باسشىسى جوعارىدا اتاپ وتكەن اقپاراتتىق-مادەني ورتانىڭ قۇرىلىپ, قالىپتاسۋىنا قىزمەت ەتۋگە ءتيىس بولدى. وسى رەتتە ەلباسى العا ءتورت تارماقتان تۇراتىن نەگىزگى مىندەتتەردىڭ قويىلاتىنىن دا بايانداپ ءوتتى. سونىڭ نەگىزىندە ۇكىمەت پەن مادەنيەت جانە اقپارات مينيسترلىگىنە التى نۇسقاۋدان قۇرالعان ناقتىلى تاپسىرمالار بەردى. بۇل ءوز كەزەگىندە ماڭىزى ايرىقشا زور تاپسى