نۇر-سۇلتاندا قار تازالاۋ, شىعارۋ جۇمىستارىنا بۇگىن 691 ارنايى تەحنيكا مەن 1236 جول جۇمىسشىلارى جۇمىلدىرىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
1 قاڭتاردان 2 قاڭتارعا قاراعان ءتۇنى 486 ارنايى تەحنيكا مەن 78 جول جۇمىسشىسى جۇمىلدىرىلدى. سونداي-اق 1 قاڭتار كۇنى 382 رەيس جاسالىپ, قالا سىرتىنا 4584 تەكشە مەتر قار شىعارىلدى. قىس باستالعالى بەرى 110235 رەيس جاسالىپ, بارلىعى 1 322 822 تەكشە مەتر قار شىعارىلعانىن ايتا كەتكەن ءجون.