دەنساۋلىق ساقتاۋ ءمينيسترى ەلجان ءبىرتانوۆتىڭ توراعالىعىمەن مياستەنيا كەزىندە مەديتسينالىق كومەكتى ۇيىمداستىرۋ ماسەلەلەرى بويىنشا پاتسيەنتتەردىڭ باستاماشىل توبى وكىلدەرىنىڭ, الماتى, نۇر-سۇلتان قالاسىنداعى رەسپۋبليكالىق بەيىندى ورتالىقتاردىڭ جەتەكشى ماماندارىنىڭ قاتىسۋىمەن كەڭەس ءوتتى. بۇل تۋرالى مينيسترلىكتىڭ ءباسپاسوز قىزمەتى حابارلادى.
كەڭەستە مياستەنياسى بار پاتسيەنتتەرگە مەديتسينالىق كومەكتى ۇيىمداستىرۋدى جەتىلدىرۋ ماسەلەلەرى قارالدى, سونداي-اق جينالعاندار پاتسيەنتتەردىڭ باستاماشىل توبىن تىڭدادى.
كەڭەس قورىتىندىسى بويىنشا دەنساۋلىق ساقتاۋ ءمينيسترى ەلجان ءبىرتانوۆ مياستەنياسى بار پاتسيەنتتەرگە مەديتسينالىق كومەكتى ۇيىمداستىرۋدى جەتىلدىرۋ, وڭىرارالىق ۇيلەستىرۋ ورتالىقتارىن اشۋ, نورماتيۆتىك اكتىلەرگە (ستاندارتتارعا, جول كارتاسىنا) وزگەرىستەر ەنگىزۋ, امبۋلاتوريالىق دەڭگەيدە تەگىن دارىلىك زاتتاردىڭ تىزبەسىن كەڭەيتۋ, ستاتسيونارلىق دەڭگەيدە تولەم ءتاريفىن قايتا قاراۋ بويىنشا تاپسىرمالار بەردى.